UFO: Alien Invasion

	UFO: Alien Invasion
	Лягатып гульні Лягатып гульні
Дата выпуску	2007
Апошняя вэрсія	2.4; 25 красавіка 2012
Жанры	Стратэгія ў рэальным часе, пакрокавая тактыка
Ліцэнзія	GNU General Public License[d], ліцэнзія Apache[d] і бескаштоўнае апраграмаваньне[d]
Стваральнікі
Распрацоўнік	UFO: Alien Invasion Team
Выдавец	Некамэрцыйны распаўсюд праз сэціва
Тэхнічныя дэталі
Рухавік	Quake II engine[d]
Плятформа	Крос-плятформавая
Рэжымы	Адзінаасобная гульня, шматасобавая гульня
Носьбіт	лічбавы распаўсюд[d]
Кіраваньне	Клявіятура, мыш
	Афіцыйны сайт
	UFO: Alien Invasion у Вікісховішчы

«UFO: Alien Invasion» (па-беларуску: «НЛА: Іншаплянэтнае ўварваньне») — стратэгічная кампутарная гульня, якая распаўсюджваецца свабодна на ўмовах ліцэнзіяў GNU GPL, CC BY-SA і CC Sampling+. Распрацоўкай займаецца каманда валянтэраў UFO: Alien Invasion Team, каардынацыя адбываецца праз SourceForge.net. Гульня распаўсюджваецца бясплатна праз інтэрнэт.

«UFO: Alien Invasion» выкарыстоўвае рухавік id Tech 2 і працуе пад апэрацыйнымі сыстэмамі Linux, Microsoft Windows, AmigaOS 4^[1], Mac OS X і Android^[2].

Сюжэт

Ідэя гульні пазычаная з сэрыі «X-COM» кампаніяў Mythos Games і MicroProse, аднак зьяўляецца асобным праектам. Як і клясычная «X-COM», «UFO: Alien Invasion» — стратэгічная гульня з элемэнтамі пакрокавай тактыкі. Падзеі гульні адбываюцца ў 2084 року. Пратаганіст кіруе сакрэтнай арганізацыяй, мэта якое — абарона Зямлі ад уварваньня іншаплянэцянаў.

У працэсе гульні неабходна будзе зладзіць дасьледаваньне пазазямное пагрозы, высьветліць мэты прыхадняў і выкарыстаць супраць іх распрацоўкі, заснаваныя на дасьледаваньнях захопленых ад захопнікаў арэфактаў.

Гульнявы працэс

Галоўная тэма

Галоўная тэма гульні кампазытара Мануэля «Ванэтыяна» Марына

Патрэбная дапамога па праслухоўваньні гэтага файла? Зьвярніцеся да старонкі дапамогі.

У рэжыме агляду Зямлі зьдзяйсьняецца кіраваньне базамі і стратэгічнае кіраваньне. Гулец мусіць клапаціцца пра фінансы, будынкі, авіяфлёт і штат базаў арганізацыі PHALANX. Дасьледуючы новыя тэхналёгіі, ёсьць магчымасьць выкарыстаць іх дзеля барацьбы зь іншаплянэцянамі. У майстэрнях можна прадукаваць дасьледаваныя навукоўцамі тэхналёгіі, абсталяваньне і матэрыялы. Дзеля паветранае бітвы з караблямі прыхадняў неабходныя перахопнікі, пасьля чаго на дасьледаваньне зьбітага НЛА выпраўляецца грузавы карабель з баявым аддзелам. Хуткасьць працяканьня часу ў гэтым рэжыме можна кантраляваць адмысловымі кнопкамі, а пры істотных навінах працэс спыняецца дзеля рэакцыі гульца.

У тактычным рэжыме гулец кіруе вайсковым аддзелам арганізацыі ў бітве з прыхаднямі. Кожны з жаўнераў аддзелу кіраваны асобна, мае ўласныя характарыстыкі, званьні і ўзбраеньне. У гэтым рэжыме аддзел людзей і іншаплянэцянаў ходзяць пачаргова. Падчас ходу гульца жаўнеры аддзелу перамяшчаюцца, страляюць, кідаюць гранаты або карыстаюцца іншым абсталяваньнем. Кожны з жаўнерам мае пэўную колькасьць адзінак часу, якія выконваюць функцыі пунктаў дзеяньня і выдаткоўваюцца на кожнае дзеяньне: рух, стральбу, перазарадку, узяцьце прадметаў і інш. Падчас выкананьня місіяў сустракаюцца цывільныя асобы, якіх трэба выратоўваць ад іншаплянэцянаў. У гэтым рэжыме захаваньне гульні немагчымае.

Мінуўшчына

Распрацоўка гульні пачалася ў 2003 року у вузкім коле фанатаў. У другім квартале 2005 тэмпы працы запаволіліся, што сталася галоўным чыньнікам да адкрыцьця крынічнага коду. Са студзеня 2006 код «UFO:AI» даступны на ўмовах ліцэнзіі GPL, пасьля чаго распрацоўка стартавала хутка. На пераломе 2006—2007 было скончанае праграмаваньне галоўных падсыстэмаў гульні.

Успрыняцьце

«UFO:AI» была намінаваная суполкай на «Найлепшы праект для гульцоў» SourceForge ў 2007 і 2008 роках^[3].

У верасьні 2012 року Linux Game News назваў гульню найлепшай гульнёй з адкрытым кодам у катэгорыі «Пакрокавыя гульні»^[4]

Крыніцы і заўвагі

^ UFO: Alien Invasion for AmigaOS4 (анг.). AmigaWorld.net (2010-11-23). Праверана 1 сьнежня 2010 г.
^ UFO: Alien Invasion for Android (анг.) Праверана 23 лістапада 2010 г.
^ 2007 Community Choice Awards (анг.). Sourceforge. Праверана 20 траўня 2011 г.
^ Best Open Source Games (анг.). Linux Game News (2012-09-15). Праверана 30 кастрычніка 2012 г.

Вонкавыя спасылкі

UFO: Alien Invasion — сховішча мультымэдыйных матэрыялаў

[1] UFO: Alien Invasion for AmigaOS4 (анг.). AmigaWorld.net (2010-11-23). Праверана 1 сьнежня 2010 г.

[2] UFO: Alien Invasion for Android (анг.) Праверана 23 лістапада 2010 г.

[3] 2007 Community Choice Awards (анг.). Sourceforge. Праверана 20 траўня 2011 г.

[4] Best Open Source Games (анг.). Linux Game News (2012-09-15). Праверана 30 кастрычніка 2012 г.

[1]

[2]

[3]

[4]