Pekao

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Pekao
Bank Pekao.png
PKO SA Centrala ul. Grzybowska.jpg
Тып акцыянэрнае таварыства
Лістынг на біржы PEO
Заснаваная 1929
Разьмяшчэньне Варшава, Польшча
Ключавыя фігуры Міхал Крупінскі
Галіна банкаўская справа

«Bank Pekao» — польскі ўнівэрсальны банк, які прадстаўляе паслугі розьнічным і карпаратыўным кліентам. Пасьля зьліцьця з банкам «BPH Pekao» стаў другім паводле велічыні банкам у Польшчы. «UniCredit» зьяўляўся асноўным акцыянэрам «Pekao», валодаючы 59% акцыяў, аднак у сьнежні 2016 году большая частка актываў была прададзена італьянскай кампаніяй. На сёньня акцыямі «Pekao» валодаюць PZU (20%), Польскі фонд разьвіцьця (12,80%), «UniCredit» (6,28%) і астатнія мінарытарныя акцыянэры (60,94%).

Банк быў створаны ў 1929 годзе Міністэрствам скарбніцы Польшчы як нацыянальны банк, дзейнасьць якога была скіравана на аказаньне паслугаў палякам, якія пражывалі за мяжой. Да пачатку Другой сусьветнай вайны банк меў свае прадстаўніцтвы ў Францыі, Аргентыне, Тэль-Авіве і Злучаных Штатах Амэрыкі.

Зь вяртаньнем да рынкавай эканомікі ў 1989 годзе банк стаў разьвівацца як унівэрсальны банк, пачаўшы прапаноўваць розьнічныя, карпаратыўныя і інвэстыцыйныя банкаўскія паслугі. Акрамя таго, банкам быў створаны першы ў паваеннай Польшчы брокерскіх дом, які пачаў сваю дзейнасьць на фондавым рынку 1 сакавіка 1991 году. «Pekao» першым з банкаў Польшчы выйшаў на рынак плацежных карткаў.

Прыватызацыя банка пачалася ў чэрвені 1998 году, калі Міністэрства фінансаў зрабіла публічнае разьмяшчэньне 15% акцыяў банка. 30 чэрвеня 1998 году банк выйшаў на Варшаўскую фондавую біржу. У сярэдзіне 1998 году акцыянэрам банка стаў Эўрапейскі банк рэканструкцыі і разьвіцьця, які ажыцьцявіў новы выпуск акцыяў на суму 100 млн даляраў, або 5,29% ад капіталу.

Банк мае самую вялікую на польскім рынку долю карпаратыўных крэдытаў і дэпазытаў, а таксама найбуйнейшы бізнэс па ўзаемных фондаў.

Вонкавыя спасылкі[рэдагаваць | рэдагаваць крыніцу]