ATX

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

ATX (Advanced Technology eXtended — «пашыраная перадавая тэхналёгія») — стандарт спэцыфікацыі мацярынскіх платаў і кампутарных блёкаў сілкаваньня, распрацаваны Intel у 1995 року. Упершыню за шмат гадоў удасканаліў тагачасныя фактычныя стандарты кшталту AT.

Спэцыфікацыя ATX вызначае памеры, мантажныя пункты, панэль уводу-вываду ды інтэрфэйсы сілкаваньня і злучэньня ў кампутарным корпусе, на мацярынскай плаце і ў блёку сілкаваньня. Памеры поўнай платы стандарту ATX складаюць 305×244 мм.

З часу ўвядзеньня стандарт пераглядаўся некалькі разоў. Апошняя вэрсія для мацярынскіх платаў — 2.2[1], для блёкаў сілкаваньня 3.0[2][3]. Паводле стану на 2022 ATX-дызайн застаецца фактычным стандартам для пэрсанальных кампутараў. Для меншых мацярынскіх платаў існуюць іншыя стандарты (напрыклад, microATX, FlexATX, nano-ITX і mini-ITX), якія пераважна прытрымліваюцца сумяшчальнасьці задняй панэлі з ATX, але маюць меншыя памеры і меншую колькасьць раздымаў пашырэньня. EATX (Extended ATX — «пашыраны ATX») — большая вэрсія мацярынскай платы ATX памерамі 305×330 мм.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ ATX Specification. Version 2.2(анг.) Motherboards.org Праверана 12 красавіка 2022 г.
  2. ^ Intel Introduces New ATX PSU Specifications(анг.) News. Intel Corporation (23 сакавіка 2022). Праверана 12 красавіка 2022 г.
  3. ^ Szewczyk, Chris Intel releases the ATX 3.0 power supply spec(анг.). PC GamerПраверана 12 красавіка 2022 г.

Вонкавыя спасылкі[рэдагаваць | рэдагаваць крыніцу]