Януш Тышкевіч

Януш Тышкевіч

Януш Тышкевіч. Невядомы мастак, XVII ст.
Герб «Ляліва»
Асабістыя зьвесткі
Нарадзіўся	1590
Памёр	1649 Ужэндаў[d], Гміна Ужэндаў[d], Красніцкі павет[d], Люблінскае ваяводзтва, Польшча
Род	Тышкевічы
Бацькі	Тэадор Фрыдэрык Тышкевіч[d] Соф’я з Заслаўскіх[d]
Дзейнасьць	палітык

Януш Тышкевіч (1590—1649) — дзяржаўны і вайсковы дзяяч Рэчы Паспалітай. Ваявода кіеўскі (з 1630).

Быў старостам сьняцінскім і жытомірскім. Граф на Лагойску і Бярдычаве.

Біяграфія

Януш Тышкевіч

З лагойскай лініі шляхецкага роду Тышкевічаў гербу «Ляліва», сын Тэадора Фрыдэрыка і Соф’і з Заслаўскіх. Меў братоў Самуэля і Гераніма.

Браў удзел пад камандай Станіслава Жалкеўскага ў Цэцорскай бітве (1620). Займаў шэраг дзяржаўных пасадаў.

Фундаваў некалькі касьцёлаў і кляштараў, у тым ліку кляштар кармэлітаў у Бярдычаве (1627), якому ў 1630 ахвараваў уласны замак.

У шлюбе зь Ядвігай Бялжэцкай меў дачку Крыстыну.

Вонкавыя спасылкі

Януш Тышкевіч — сховішча мультымэдыйных матэрыялаў

• Януш Тышкевіч. «Віртуальны музей горада Лагойска». Праверана 18 красавіка 2011 г.