Юльян Сасноўскі

Зьвесткі зь Вікіпэдыі — вольнай энцыкляпэдыі

Юльян Сасноўскі (?, Вызна, Слуцкі павет — 1922) — беларускі грамадзка-палітычны дзеяч. Удзельнік Слуцкага паўстаньня.

Біяграфія[рэдагаваць | рэдагаваць крыніцу]

Напярэдадні Першай сусьветнай вайны скончыў Слуцкую расейскую мужчынскую гімназію.

У кастрычніку 1920 году абраны ў склад Беларускай рады Случчыны, загадчык яе канцэлярыі. Камандзіраваны разам з Аляксеям Кабычкіным у мястэчка Вызну, каб дасьледаваць справу рабунка і зьбіцьця паўстанцамі мясцовага аптэкара. Аднак у гэты час бальшавікі занялі Вызну і хлопцы двое сутак хаваліся на паддашшы, пакуль здолелі ўцячы [1].

Напрыканцы паўстаньня стаў прыхільнікам Балаховіча.

Пасьля ліквідацыі паўстаньня інтэрнаваны палякамі ў Беластоцкі лягер. Пасьля зьехаў у Вільню.

Цяжка перажываў паразу паўстаньня, ня вытрымаў выпрабаваньняў і зьдзекаў польскай адміністрацыі, фізычна і маральна зьнясілены скончыў жыцьцё самагубствам.

Крыніцы[рэдагаваць | рэдагаваць крыніцу]

  1. ^ Уладзімер Пракулевіч «Паказаньні па справе Саюзу вызваленьня Беларусі»

Літаратура[рэдагаваць | рэдагаваць крыніцу]

  • Слуцкі Збройны чын у дакумэнтах і ўспамінах. — Менск: Мэдысонт, 2006.