Царква Раства Багародзіцы (Мураванка)

Каардынаты: 53°41′51″ пн. ш. 24°59′59″ у. д. / 53.6975° пн. ш. 24.99972° у. д. / 53.6975; 24.99972

Царква Раства Багародзіцы — праваслаўны храм у в. Мураванка (Мажэйкаў Малы) Шчучынскага раёну Гарадзенскай вобласьці Беларусі. Помнік абарончага дойлідзтва сымбіёзнага гатычна-рэнэсансавага стылю.^[1]

Гісторыя

1524 год — пачатак будаўніцтва цаглянай царквы.
1656 год — у вайну з Масквою значна пацярпела.
1706 год — у Паўночную вайну трапіла пад гарматны абстрэл войскаў швэдзкага караля Карла ХІІ.
1871—1872 гады — капітальны рамонт будынка.
1920-я гады — дзейнічала як касьцёл.
1988—1990 гады — вяртаньне царквы вернікам.

Архітэктура

Царква ў Мураванцы — адзін з найвыдатнейшых помнікаў абарончага храмабудаўніцтва ў Вялікім Княстве Літоўскім. Падобная да Сьвятаміхайлаўскай царквы ў Сынкавічах, яна мае больш дасканалую структуру.

Просты квадратны аб’ём з чатырма вежамі па кутох, адной апсідай на ўсходзе і чатырма слупамі, якія падпіраюць скляпеньні унутры храма. Па версе бакавых сьценаў, чатырох цыліндрычных вежаў і паўкруглай апсіды разьмяшчаюцца па 1—2 шэрагі машыкуляў. Сьцены маюць надзвычайную таўшчыню, каб супрацьстаяць пальнай зброі.

Галерэя

Крыніцы

^ в. Мураванка. Свята-Раства-Багародзіцкая царква // Кулагін А. Праваслаўныя храмы на Беларусі. — Менск, 2001. С. 141

Літаратура

Кулагін А. Праваслаўныя храмы на Беларусі: Энцыкл. даведнік. — 2-е выд. — Менск: БелЭн, 2001. — 328 с.: іл. ISBN 985-11-0190-7.
Ткачев М. А. Замки Беларуси / М. А. Ткачев. — Мн.: Беларусь, 2002. — 200 с.: ил. ISBN 985-07-0418-7.

Вонкавыя спасылкі

Царква Раства Багародзіцы (Мураванка) — сховішча мультымэдыйных матэрыялаў

[1] в. Мураванка. Свята-Раства-Багародзіцкая царква // Кулагін А. Праваслаўныя храмы на Беларусі. — Менск, 2001. С. 141

[1]