Заслаўскі кальвінскі збор
Царква Праабражэньня Гасподня, колішні кальвінскі збор — праваслаўны (пачаткова пратэстанцкі) храм у Заслаўі, найбольш выразны з дайшоўшых да нашага часу помнікаў архітэктуры рэнэсансу з рысамі абарончага дойлідзтва.
Гісторыя
- 1577 год — князь Ян Янавіч Глябовіч распачаў будаўніцтва збору на тэрыторыі Заслаўскага замка[1].
- 1628 год — віленскі кашталян М. Я. Глябовіч перадаў збор каталікам, якія пераасьвяцілі храм у касьцёл Міхала Арханёла.
- 1678 год — перабудова колішняга збору.
- 1840 год — расейскія ўлады перадалі храм Расейскай праваслаўнай царкве, пераасьвячоны ў Праабражэнскую царкву.
- 1865 год — чарговая перабудова храму.
- 1968—1972 гады — рэстаўрацыя.
- 1990 год — перададзены праваслаўным.
- 200(?) год — спалены вандаламі.
Архітэктура
Кафалікон заслаўскага збору мае даволі прыземісты выгляд. Тоўстыя сьцены храму заканчваюцца высокім аркатурным поясам наверсе, у якім раней меліся байніцы. Наперадзе кафалікона стаіць 30-мэтровая вежа з шасьцю ярусамі, у кожным зь якіх меліся байніцы. Першапачаткова збор быў збудаваны бязь вежы, якая была дабудавана крыху пазьней.
Асаблівасьцю збору зьяўляецца таксама адсутнасьць алтарнай апсіды (характэрная рыса пратэстанцкіх храмаў Вялікага Княства Літоўскага) Звонку сьцены храму аздабляюць вэртыкальныя пілястры, апрацаванмі рустам. Збор стаіць пасярод магутнага бастыённага замка і мае выразна абарончыя рысы, у прыватнасьці ён мог служыць апошнім прытулкам абаронцам, а высокая вежа, відавочна, выконвала функцыі вежы-дазорцы.
Галерэя
Крыніцы
- ^ Ткачоў, М. А. Абарончыя збудаванні заходніх зямель Беларусі ХІІІ—XVIII стст. — Мн., 1978. C. 135
Літаратура
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
- Ткачоў, М. А. Абарончыя збудаванні заходніх зямель Беларусі ХІІІ—XVIII стст. — Мн., 1978.
Вонкавыя спасылкі
Заслаўскі кальвінскі збор — сховішча мультымэдыйных матэрыялаў