Факультэт міжнародных бізнэс-камунікацыяў БДЭУ
Факультэт міжнародных бізнэс-камунікацыяў (ФМБК; да 1 студзеня 2008 называўся Факультэт моўнае падрыхтоўкі (ФМП)) — самы малады факультэт Беларускага дзяржаўнага эканамічнага ўнівэрсытэту лінгва-эканамічнае накіраванасьці.
Факультэт створаны ў 2002 на базе катэдраў замежных моваў і катэдры беларускае й расейскае моў.
Структура
[рэдагаваць | рэдагаваць крыніцу]У структуру факультэту ўваходзяць 7 катэдраў:
- міжкультурнае эканамічнае камунікацыі (загадчыца — Натальля Магіленскіх);
- дзелавое ангельскае мовы (загадчык — Віктар Сьляповіч);
- тэорыі й практыкі ангельскага маўленьня (загадчыца — Тацяна Салановіч);
- прафэсійна арыентаванага ангельскага маўленьня (загадчыца — Нона Новік);
- раманскіх моў (загадчыца — Вольга Федарэнка);
- нямецкае мовы (загадчыца — Валяньціна Шаўцова);
- беларускае й расейскае моў, пры якой дзейнічае падрыхтоўчае аддзяленьне для замежных грамадзянаў (загадчыцца — Ірына Фядотава).
Дзейнасьць
[рэдагаваць | рэдагаваць крыніцу]Адкрыцьцё новае спэцыяльнасьці Лінгвістычнае забесьпячэньне міжкультурных камунікацыяў са спэцыялізацыяй Камунікатыўныя тэхналёгіі ў бізнэсе павінна спрыяць падрыхтоўцы адмыслоўцаў ня толькі добра дасьведчаных ў замежных моваў, але і тых, якія будуць валодаць навыкамі ўжываньня сучасных тэхналёгіяў камунікацыі ў розных сферах дзейнасці. Спэцыяльнасьць гучыць як Лінгвістычнае забесьпячэньне міжкультурнае камунікацыі, спецыялізацыя — Камунікатыўныя тэхналёгіі ў бізнэсе й кваліфікацыі Адмысловец у міжкультурным камунікацыях. Перакладнік-рэфэрэнт (з указаньнем дзьвюх замежных моў).
З мэтай каардынацыі і інтэнсіфікацыі навуковых дасьледаваньняў у галіне выкладаньня замежных моў пры факультэце міжнародных бізнэс-камунікацыяў створаная навуковая лябараторыя інавацыйных мэтодык. Таксама пры факультэце створанае бюро перакладаў.
Падрыхтоўка адмыслоўцаў ажыцьцяўляецца на аснове бюджэтнае й платнае формаў навучаньня.
У 2008 адбыўся першы выпуск на факультэце.
Кіраўніцтва
[рэдагаваць | рэдагаваць крыніцу]- дэканка — Натальля Папок
- намесьніца дэкана — Інэса Навасельцава