Уладзімер Цумараў

Уладзімер Цумараў
старшыня Магілёўскага гарадзкога выканаўчага камітэту[d]
16 красавіка 2013 — 3 кастрычніка 2022
Папярэднік	Станіслаў Пятровіч Барадаўка[d]
Наступнік	Аляксандар Студнеў[d]
Асабістыя зьвесткі
Нарадзіўся:	6 сьнежня 1960(1960-12-06) (63 гады) Ананьеўка[d], Бялыніцкі раён, Магілёўская вобласьць, БССР, СССР
Адукацыя:	Магілёўскі політэхнічны тэхнікум[d] (1980) Беларуска-расейскі ўнівэрсытэт (1985) Расейская акадэмія дзяржаўнай службы[d] (2002)
Узнагароды:

Уладзімер Міхайлавіч Цу́мараў (нар. 6 сьнежня 1960, в. Ананьеўка, Бялыніцкі раён, Магілёўская вобласьць, БССР, СССР) — беларускі палітычны дзеяч, старшыня Магілёўскага гарвыканкаму.

Жыцьцяпіс

Нарадзіўся ў 1960 годзе ў вёсцы Ананьеўка Бялыніцкага раёну Магілёўскай вобласьці. У 1980 годзе скончыў Магілёўскі політэхнічны тэхнікум, у 1985 годзе — Магілёўскі машынабудаўнічы інстытут, у 2002 — Расейскую акадэмію дзяржаўнае службы пры Прэзыдэнце Расейскай Фэдэрацыі.

У 1980 годзе працаваў старэйшым тэхнікам канструктарска-тэхналягічнага бюро з вопытнай вытворчасьцю Інстытута будаўніцтва і архітэктуры Дзяржбуда БССР у Менску. У 1985—1990 гадах займаў розныя пасады ў Магілёўскіх абласным, а затым гарадзкім камітэтах ЛКСМБ.

У 1990—1992 гадах быў кіраўніком аддзелу па справах моладзі Магілёўскага гарвыканкаму. У 1992—1995 гадах быў дырэктарам Магілёўскага абласнога цэнтру занятасьці. З 1995 па 1999 гг. працаваў на пасадзе намесьніка старшыні Магілёўскага гарвыканкаму. У 1999 годзе стаў кіраўніком адміністрацыі Цэнтральнага раёну г. Магілёва. З 2003 г. па красавік 2013 г. працаваў на пасадзе кіраўніка ўправы Ленінскага раёну Магілёва.

16 красавіка 2013 году прызначаны старшынём Магілёўскага гарвыканкаму.

Узнагароды

• мэдаль «За працоўныя заслугі»,
• Ордэн Пашаны (2020).

Сям’я

У шлюбе з Таісіяй (нар. 8 лістапада 1961). Мае сына Максіма (нар. 18 лютага 1983), дачок Марыю (нар. 13 студзеня 2008) і Маргарыту (нар. 25 верасьня 2009).