Уладзімер Савіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзімер Савіч
Імя пры нараджэньні Уладзімер Пятровіч Савіч
Дата нараджэньня 16 красавіка 1952 (67 гадоў таму)
Месца нараджэньня вёска Акцябар, Лагойскі раён, Менская вобласьць
Адукацыя Беларускі дзяржаўны тэатральна-мастацкі інстытут (1976)
Альма-матэр Гімназія-каледж мастацтваў імя І. В. Ахрэмчыка[d] і Беларуская дзяржаўная акадэмія мастацтваў
Занятак Станковая і кніжная графіка, выкладнік
Жанры кніжная графіка[d] і графіка
Працы «А зязюля кукавала», «Асеньні матыў», «Драўляная скульптура», «Паклон», «Памяць сівых курганоў», «Старая дарога. Зіма», «Шэсьце»
Узнагароды Заслужаны дзяяч мастацтва Беларусі (1990)

Уладзі́мер Пятро́віч Са́віч (нарадзіўся 16 красавіка 1952 году ў вёсцы Акцябар, Лагойскі раён, Менская вобласьць, БССР) — мастак. Заслужаны дзяяч мастацтва Беларусі (1990).

Біяграфія[рэдагаваць | рэдагаваць крыніцу]

Скончыў у сярэднюю школу № 2 гораду Койданава (Менская вобласьць). У 1976 годзе закончыў Беларускі дзяржаўны тэатральна-мастацкі інстытут і з таго часу выкладае ў ім. Прафэсар (1996). З 1972 году ўдзельнічае ў мастацкіх выставах. Чалец Беларускага саюзу мастакоў з 1978 году. У 1985 годзе ўзнагароджаны 1-й прэміяй Міністэрства культуры БССР за найлепшы графічны твор году[1]. З 28 лістапада 2007 году займае пасаду старшыні БСМ[2]. Працуе ў станковай і кніжнай графіцы. Асноўныя творы: «А зязюля кукавала», «Асеньні матыў», «Драўляная скульптура», «Паклон», «Памяць сівых курганоў», «Старая дарога. Зіма», «Шэсьце», ілюстрацыі да кнігаў «Пінская шляхта» Вінцэнта Дуніна-Марцінкевіча, «Выбранае» Цёткі (Алаізы Пашкевіч)[3].

Крыніцы[рэдагаваць | рэдагаваць крыніцу]

  1. ^ Жывапіс, графіка '88. Каталог / Укладальнік: Я. Грыгаровіч. — Мінск: 1988.
  2. ^ Зьміцер Панкавец (28 лістапада 2007) Уладзімер Савіч — новы старшыня Саюзу мастакоў Культура. Наша НіваПраверана 3 кастрычніка 2011 г.
  3. ^ Савіч Уладзімір Пятровіч // Памяць. Гісторыка-дакументальная хроніка Дзяржынскага раёна. — Менск: БелТА, 2004. — С. 615. — 704 с.

Вонкавыя спасылкі[рэдагаваць | рэдагаваць крыніцу]

Commons-logo.svg Уладзімер Савічсховішча мультымэдыйных матэрыялаў