Трыпутнік

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Трыпутнік

Трыпу́тнік (Plantago) — род кветкавых расьлінаў сямейства трыпутнікавых.

Вылучаюць каля 260 відаў. Пашыраны пераважна ва ўмерана цёплых зонах абодвух паўшар’яў. У Беларусі сустракаюцца трыпутнік вялікі, трыпутнік ланцэтны, трыпутнік стэпавы, трыпутнік сярэдні, трыпутнік шурпаты. Трапляюцца каля жыльля, уздоўж дарог (адсюль назва), на пустках, лугах.

Адна- ці шматгадовыя травяністыя расьліны, радзей кусты і хмызьнякі. Лісьце звычайна чаргаванае, часта збліжанае ў прыкаранёвую разетку, простае, вузкалінейнае або шырокаланцэтнае, суцэльнакрайняе, хвалістае ці зубчастае. Кветкі дробныя, у галоўках або каласах на верхавінках бязьлістых стрэлак. Плод — каробачка.

Лекавыя, тэхнічныя, кармавыя расьліны. Насеньне некаторых відаў трыпутніка (г. зв. блошнае семя) выкарыстоўваюць у мэдыцыне, тэкстыльнай і папяровай прамысловасьці.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Трыпутніксховішча мультымэдыйных матэрыялаў