Тацяна Каробушкіна
Таця́на Мікала́еўна Каро́бушкіна (20 ліпеня 1934, вёска Кубышка Нялідаўскага раёну Цьвярской вобласьці) — беларускі археоляг. Кандыдат гістарычных навук (1977).
Скончыла Беларускі дзяржаўны ўнівэрсытэт (1958). У 1977 годзе абараніла кандыдацкую дысэртацыю на тэму «Земляробства на тэрыторыі Беларусі ў 10-13 стст.»: (Віленскі інстытут гісторыі). Працуе ў Інстытуце гісторыі НАН Беларусі.
Брала ўдзел у дасьледаваньнях Менску і іншых беларускіх местаў, абсьледавала шматлікія помнікі Менскай і іншых вобласьцяў. Вывучала земляробства на тэрыторыі Беларусі, гісторыю насельніцтва Беларускага Пабужжа X—XIII стст., дала характарыстыку сельскагаспадарчых прыладаў працы, высьвятліла час увядзеньня ў культуру збожжавых і іншых расьлінаў.
Аўтар кніжак «Земляробства на тэрыторыі Беларусі X—XIII стст.» (1979), «Археалёгія Беларусі. Бібліяграфічны паказальнік (1932—1975)» (1988), дзе прыводзяцца археялагічныя помнікі Койданаўшчыны, калі і кім яны дасьледаваліся[1]; «Курганы Беларускага Пабужжа X—XIII ст.» (Пад рэд. Э. М. Загарульскага. — Мн.: Навука і тэхніка, 1993. — 133 с.), шматлікіх артыкулаў, а таксама адна з аўтараў «Гісторыі Менску» (1967), «Нарысаў па археалёгіі Беларусі». (ч. 2, 1972), «Беларускай археалёгіі» (1987).
Крыніцы
[рэдагаваць | рэдагаваць крыніцу]- ^ Каробушкіна Таццяна Мікалаеўна // Памяць: Гіст.-дакум. хроніка Дзяржынскага р-на. — Мн.: БЕЛТА, 2004. С. 41.
Літаратура
[рэдагаваць | рэдагаваць крыніцу]- Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
- Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.