Сігерых

Сігерых
Асабістыя зьвесткі
Нарадзіўся	каля 370-е, Балканскі паўвостраў
Памёр	8 верасьня 415, Барсэлёна, Гішпанія
Дынастыя	Амалы[d]

Сігерых, Сігерык (лац. Sigericus; ? — 415) — кароль вэстготаў (415).

Біяграфія

Меў брата Сара, забітага на загад караля Атаульфа. Паводле Алімпіядора, прыйшоў да ўлады хутчэй сваімі стараньнямі і сілай, а ня згодна з законам і правам успадкоўваньня. Загадаў забіць, нягледзячы на заступніцтва біскупа Сігесара, шасьцярых дзяцей Атаульфа ад першага шлюбу. Яго жонку Галу Пляцыдыю загадаў, як зьдзек з Атаульфа, прымусіць разам зь іншымі палоньніцамі ісьці перад сваім канём. Гэтае прыніжэньне падкрэсьлівае агульную незадаволенасьць палітыкай хаўрусу і сяброўства з Рымскай імпэрыяй.

Праз тыдзень па заняцьці стальцу яго забілі свае ж людзі зь «гоцкай» партыі, варожай рымлянам.

Глядзіце таксама

• Сігерых (імя)