Прагляд крыніцы для Сяргей Пракоф’еў

{{Музыка
|Імя               = Сяргей Пракоф’еў
|Сапраўднае_імя    = {{мова-ru|Сергей Сергеевич Прокофьев|скарочана}}
|Лёга              = 
|Памер_лёга        = 
|Апісаньне_лёга    = 
|Фота              = Sergei Prokofiev 02.jpg
|Памер_фота        = 
|Апісаньне_фота    = 1918 г.
|Месца_нараджэньня = [[маёнтак]] {{Артыкул у іншым разьдзеле|Краснае (Краснаармейскі раён)|Сонцаўка|uk|Красне (Красноармійський район)}}, {{Артыкул у іншым разьдзеле|Бахмуцкі павет||uk|Бахмутський повіт}}, {{Артыкул у іншым разьдзеле|Кацярынаслаўская губэрня||uk|Катеринославська губернія}}, [[Паўднёва-Заходні край]], [[Расейская імпэрыя]]
|Месца_сьмерці     = [[Масква]], [[Расейская СФСР]], [[СССР]]
|Гады              = 1896—1953
|Краіна            = СССР
|Нацыянальнасьць   = [[Расейцы|расеец]]
|Прафэсіі          = [[дырыгент]], [[кампазытар]], [[піяніст]]
|Інструмэнты       = [[фартэпіяна]]
|Жанры             = [[араторыя]], [[балет]], [[вальс]], [[опэра]], [[кантата]], [[канцэрт]], [[квартэт]], [[квінтэт]], [[Марш (музыка)|марш]], [[песьня]], [[п’еса]], [[раманс]], [[саната]], [[сымфанічная паэма]], [[сымфаньета]], [[сымфонія]], [[сюіта]], [[таката]], [[увэрцюра]]
|Псэўданімы        = 
|Гурты             = 
|Супрацоўніцтва    = 
|Лэйблы            = 
|Узнагароды        = {{Блёк узнагародаў|{{Сталінская прэмія}}|{{Ордэн Працоўнага Чырвонага Сьцягу}}|{{Мэдаль За доблесную працу ў Вялікай Айчыннай вайне 1941—1945 гг.}}|{{Мэдаль «У памяць 800-годзьдзя Масквы»}}}}
|Сайт              = 
}}
'''Сярге́й Сярге́евіч Прако́ф’еў''' ({{Дата ў старым стылі|23 красавіка|1891|11 красавіка}}; цяпер [[сяло]] Сонцаўка, [[Пакроўскі раён (Данецкая вобласьць)|Пакроўскі раён]], [[Данецкая вобласьць]], [[Украіна]] — 1953; Масква, цяпер [[Расея]]) — [[Расея|расейскі]] й [[Савецкі Саюз|савецкі]] [[кампазытар]] і [[піяніст]]. Уважаецца за аднаго з найвялікшых кампазытараў 20 стагодзьдзя.

== Біяграфія ==

=== Расейскі пэрыяд ===
Пракоф’еў пачаў праяўляць свой надзвычайны талент у раньнім узросьце. У пяць гадоў ён скампанаваў першы твор, ''Індыйскі галёп'', занатаваць які яму дапамагла маці. У сямігадовым узросьце ён навучыўся гуляць у [[шахматы]], якія сталі ягоным захапленьнем на ўсё жыцьцё. Пракоф’еў часта браў удзел у шахматных турнірах і быў добра знаёмы з [[Хасэ Рауль Капабланка|Капабланкам]] і [[Міхаіл Бацьвіньнік|Бацьвіньнікам]].

Сапраўдны вундэркінд, Пракоф’еў напісаў сваю першую опэру, ''Велікан'', у дзевяць гадоў.

У 1902 годзе, калі пачаліся прыватныя ўрокі з кампазыцыі, ён меў напісанымі ўжо некалькі даволі наватарскіх твораў. Авалодаўшы тэхнікай кампазыцыі, Пракоф’еў хутка пачаў экспэрымэнтаваць у пошуках новых гучаньняў і ўласнага стылю.

У 1904 годзе Пракоф’еў паступіў у Санкт-Пецярбурскую Кансэрваторыю, будучы на некалькі гадоў маладзейшы за бальшыню сваіх аднакурсьнікаў. Ён рабіў уражаньне эксцэнтрычнай і высакамернай асобы. Ён меў характар, ідучы па калідоры, крочыць заўсёды ў цэнтры, не саступаючы дарогі анікому. Яго пэдагогам па [[фартэпіяна]] была [[Ганна Есіпава]], па інструмэнтоўцы — [[Мікалай Рымскі-Корсакаў]], па кампазыцыі — [[Анатоль Лядаў]]. Пракоф’еў хутка набываў вядомасьць як [[кампазытар]] і [[піяніст]], выклікаючы кантрастныя рэакцыі, ад захапленьня да адмаўленьня.

У 1910 годзе памёр бацька Сяргея Пракоф’ева, і кампазытар мусіў пачаць самастойна зарабляць на жыцьцё. У 1913 ён упершыню быў за мяжой, наведаўшы [[Парыж]] і [[Лёндан]], дзе ўбачыў спэктаклі балетнай трупы [[Сяргей Дзягілеў|Сяргея Дзягілева]].

У 1914 годзе Пракоф’еў завершыў навучаньне ў Кансэрваторыі, атрымаўшы найвышэйшы бал і прыз — канцэртны раяль. Хутка пасьля гэтага ён зноў трапіў у Лёндан, дзе пазнаёміўся зь Дзягілевым і [[Ігар Стравінскі|Стравінскім]].

У часе [[Першая сусьветная вайна|Першай сусьветнай вайны]] Пракоф’еў зноў паступіў у Кансэрваторыю, гэтым разам у клясу [[арган]]а. Ён напісаў опэру ''Гулец'' паводле рамана [[Фёдар Дастаеўскі|Дастаеўскага]], але яе прэм’ера ў 1917 годзе не адбылася празь Лютаўскую рэвалюцыю. Летам гэтага году Пракоф’еў сачыніў Першую сымфонію, ''Клясычную'', у стылі, на думку кампазытара, у якім бы напісаў яе [[Ёзэф Гайдн]], калі б жыў у той час. У 1918 годзе Пракоф’еў эміграваў у [[ЗША]], ратуючыся ад бальшавіцкай рэвалюцыі.

=== Замежны пэрыяд ===
Пракоф’еў прыбыў у [[Сан-Францыска]] і, на пачатку сваёй сольнай і кампазытарскай кар’еры ў Амэрыцы, быў непазьбежным канкурэнтам для іншых эмігрантаў з Расеі (напрыклад, для [[Сяргей Рахманінаў|Сяргея Рахманінава]]). Ён распачаў выступленьні як піяніст з сольнага канцэрту ў Ню-Ёрку, пасьля чаго даў яшчэ сэрыю канцэртаў у розных гарадах. Прэм’ера ягонай новай опэры ''Любоў да трох апэльсінаў'' не адбылася праз хваробу й сьмерць дырыгента. Гэтая няўдача сапсавала Пракоф’еву таксама й сольную кар’еру, бо падрыхтоўка опэрнай пастаноўкі вымагала многа часу й увагі. У 1920 годзе кампазытар быў у цяжкай фінансавай сытуацыі і ў красавіку гэтага году пераехаў у [[Парыж]].

Парыская публіка была значна больш гатовая да пракоф’еўскай музыкі. Ён узнавіў кантакты зь Дзягілевым і Стравінскім і прадоўжыў працу над некаторымі незавершанымі творамі, уключаючы Трэці фартэпіянны канцэрт. У сьнежні 1920 году ''Любоў да трох апэльсынаў'' была нарэшце пастаўленая ў [[Чыкага]], але бяз посьпеху. Пракоф’еў пераехаў з сваёй маці ў [[Баварыя|Баварскія]] Альпы і займаўся там выключна кампазыцыяй. Цэнтральным творам гэтага пэрыяду сталася опэра ''Вогнены Анёл''. У 1923 годзе Пракоф’еў ажаніўся з гішпанскай сьпявачкай Лінай Кадына (псэўданім Ліна Любэра) і неўзабаве вярнуўся ў Парыж.

Ад 1927 году Пракоф’еў пачынае рэгулярна наведваць Расею з канцэртнымі турамі, яго візыты сустракаюцца з захапленьнем. Ён усё больш і больш нудзіўся па роднай краіне, выказваючыся пра яе надзвычай патрыятычна. Адзін з найбольш вядомых твораў Пракоф’ева — балет «Рамэо і Джульета» — быў замоўлены кампазытару Кіраўскім тэатрам у [[Санкт-Пецярбург|Ленінградзе]].

=== Савецкі пэрыяд ===
[[Файл:1991 CPA 6314.jpg|міні|200пкс|[[Паштовая марка]] [[СССР]], Сяргей Пракоф’еў, 1991 (ЦФА 6314, Скот 5993)]]
У 1934 годзе Пракоф’еў настала вярнуўся ў [[Савецкі Саюз]], яго сям’я пераехала туды годам пазьней. У гэтыя часы быў створаны [[Саюз кампазытараў СССР|Саюз кампазытараў]], які шчыльна кантраляваў кампазытарскую дзейнасьць і рэгуляваў нават стылістычнымі кірункамі тагачаснай музыкі. Імкнучыся пазьбегнуць замежных уплываў на творцаў, улады фактычна ізалявалі творчасьць кампазытараў у межах уласнай краіны. Пракоф’еў напісаў сэрыю [[масавая песьня|масавых песьняў]] (тв. 66, 79, 89) на словы найбольш добранадзейных савецкіх паэтаў, а таксама [[араторыя|араторыю]] ''Здравіца'', тв.85, якая ўслаўляла [[Сталін]]а. Гэта ўзмацняла яго становішча як савецкага кампазытара. У гэты час Пракоф’еў таксама напісаў многа дзіцячай музыкі і грандыёзную [[кантата|кантату]] ''Да 20-годзьдзя Кастрычніка'', якая ані разу не была выкананая пры жыцьці кампазытара. Прэм’ера опэры ''Сямён Катко'' мусіла быць адкладзеная праз [[арышт]] і [[расстрэл]] [[рэжысэр]]а [[Усевалад Меерхольд|Ўсевалада Меерхольда]].

У 1938 годзе Пракоф’еў напісаў музыку да кінафільму ''Аляксандар Неўскі'' (рэжысэр — [[Сяргей Эйзэнштэйн]]). Пазьней кампазытар перарабіў гэты твор як кантату, якая сталася папулярнай для выкананьняў і запісаў.

У 1941 у кампазытара пачаліся сур’ёзныя праблемы са здароўем, выкліканыя слабым сэрцам. З пачаткам вайны ён быў некалькі разоў у эвакуацыі на поўдні краіны.

У 1948 годзе быў падвергнуты нападкам савецкай крытыкі за [[фармалізм]] (разам з [[Дзьмітры Шастаковіч|Шастаковічам]], [[Мікалай Мяскоўскі|Мяскоўскім]] і іншымі)
 
Пракоф’еў памёр 5 сакавіка 1953 году, ва ўзросьце 61 году, у адзін дзень з Сталінам. Маскоўская кватэра, у якой памёр Пракоф’еў, знаходзілася зусім побач з [[Чырвоная Плошча|Чырвонай Плошчай]], і ягонае цела немагчыма было вынесьці на паніхіду на працягу трох дзён. Пахаваны ў Маскве на [[Новадзявочыя могілкі|Новадзявочых могілках]].

== Аўтабіяграфія ==
У 2006 годзе надрукаваны поўны ''Дзёньнік'' Пракоф’ева па-расейску, які ахоплівае пэрыяд жыцьця кампазытара ад юнацтва да ягонага вяртаньня ў Савецкую Расею ў 1934 годзе. Існуе таксама грунтоўная ''Аўтабіяграфія'', напісаная з аглядкаю на савецкую [[цэнзура|цэнзуру]]. Пракоф’еў валодаў яскравым і хвосткім стылем пісаньня і меў вялікі літаратурны [[талент]]. У рукапісах часта скарачаў словы, пішучы толькі іх зычныя (напрыклад — «Пркфв»).

== Стыль ==
У творчасьці Пракоф’ева спалучаюцца рысы [[мадэрнізм]]у, [[нэаклясыцызм]]у і [[рамантызм]]у. Гарманічная мова ягоных твораў засталася даволі традыцыйнай, у параўнаньні з многімі ягонымі сучасьнікамі ([[Аляксандар Скрабін|Скрабін]], [[Арнольд Шонбэрґ|Шонбэрґ]], [[Альбан Бэрґ|Бэрґ]], [[Паўль Хіндэміт|Хіндэміт]]). Рэзкасьць і сакаватая яскравасьць гармоніяў робяць яго блізкім да [[Ігар Стравінскі|Стравінскага]] і [[Франсіс Пуленк|Пуленка]]. Аднак такія больш традыцыйныя кампазытары, як [[Сяргей Рахманінаў]] або [[Мікалай Рымскі-Корсакаў]], ставіліся досыць адмоўна да стылістычных навацыяў мадэрновага Пракоф’ева. Яго музыка звычайна вельмі кантрастная: агрэсіўныя, магутныя, брутальныя такатныя эпізоды суседнічаюць з павольнымі лірычнымі выказваньнямі, унікальнымі ў сваёй кранальнасьці й інтымнай чысьціні. Пракоф’еўскі [[мэлёдыя|мэлядычны]] дар у натуральнасьці і невычарпальнасьці можна параўнаць з [[Вольфганг Моцарт|Моцартам]], [[Фрыдэрык Шапэн|Шапэнам]] і [[Пётар Чайкоўскі|Чайкоўскім]]. У творах для [[фартэпіяна]] зазвычай адчуваецца аркестравае мысьленьне кампазытара.

== Конкурс ==
Міжнародны конкурс імя Сяргея Пракоф’ева рэгулярна ладзіцца ў [[Санкт-Пецярбург]]у. Ён адбываецца ў трох спэцыяльнасьцях: кампазыцыя, сымфанічнае дырыгаваньне й фартэпіяна сола. На першым конкурсе, які праходзіў у 1992 годзе, першую прэмію сярод піяністаў атрымаў беларус [[Юры Бліноў]].

== Творы ==

=== Опэры ===
[[Файл:Kutuzov's Aria from War and Peace.jpg|міні|200пкс|Арыя Кутузава з опэры ''Вайна і мір'']]
* ''Маддалена'', тв.13 (1911, другая рэдакцыя 1913)
* ''Гулец'', тв.24 (паводле [[Фёдар Дастаеўскі|Ф.Дастаеўскага]], 1929)
* ''Любоў да трох апэльсінаў'', тв.33 (паводле К.Гоццы, 1919)
* ''Вогнены Анёл'', тв.37 (паводле В.Брусава, 1919-27)
* ''Сямён Катко'', тв.81 (1940)
* ''Заручыны ў манастыры'', 86 (1940-41)
* ''Вайна і мір'', тв.91 (паводле [[Леў Талстой|Л.Талстоя]], 1941-52)
* ''Аповесьць пра сапраўднага чалавека'', тв.117 (паводле Б.Палявоя, 1947-48)

=== Балеты ===
* ''Казка пра блазна, які сямёх блазноў абдурыў'' / ''Chout'', тв.21 (1915, 1920)
* ''Сталёвы скок'' / ''Le Pas d’acier'', 41 (1925-26)
* ''Блудны сын'', тв.46 (1928-29)
* ''На Дняпры'' / ''Sur le Borysthene'', тв.51 (1930-31)
* ''Рамэо і Джульета'', тв. 64 (паводле [[Ўільям Шэксьпір|Ў. Шэксьпіра]], 1935—1936)
* ''Папялушка'' / ''Cinderella'', тв.87 (1940-44)
* ''Сказ пра каменную кветку'', 118 (паводле П.Бажова, 1948-53)

=== Вакальна-сымфанічныя творы ===
* Два вершы для жаночага хору на словы Бальмонта, тв.7 (1909—1910)
* ''Сямёра іх'' (К.Бальмонт, ''Поклічы даўніны'' (''Зовы древности'')), [[кантата]] для драматычнага [[тэнар]]у, мяшанага [[хор]]у й вялікага сымфанічнага аркестру, тв.30 (1917—1918)
* ''Пеця і воўк'', сымфанічная казка для дзяцей, словы С.Пракоф’ева, тв.67 (1936)
* ''Песьні нашых дзён'', для [[саліст]]аў, мяшанага хору й сымфанічнага аркестру, тв.76 (1937)
* ''Аляксандар Неўскі'', кантата для [[мэца-сапрана]] сола, мяшанага хору й аркестру, тв.78 (1939)
* ''Здравіца'', тв.85 (1939)
* ''Баляда пра хлопчыка, які застаўся невядомы'', кантата дла [[сапрана]], тэнара, хору і аркестру. Словы П.Антокальскага. Тв.93 (1942—1943)
* ''Квітней, магутны край'', кантата да 30-годзьдзя Вялікай Кастрычніцкай сацыялістычнай рэвалюцыі, для мяшанага хору й аркестру, словы Я.Далматоўскага, тв.114 (1947)
* ''Зімовае вогнішча'', сюіта для чытальнікаў, хору хлопчыкаў і сымфанічнага аркестру на словы С.Маршака, тв.122 (1949)
* ''На варце міра'', [[араторыя]] для салісткі (мэца-сапрана), чытальнікаў, мяшанага хору, хору хлопчыкаў і сымфанічнага аркестру на словы С.Маршака, тв.124 (1950)

=== Творы для аркестру ===

==== Сымфоніі ====
* Сымфонія №1, Рэ мажор, ''Клясычная'', тв.25 (1916-17)
* Сымфонія №2, рэ мінор, тв.40 (1924-25)
* Сымфонія №3, до мінор, тв.44 (1928)
* Сымфонія №4, До мажор (першая вэрсія), тв.47 (1929-30)
* Сымфонія №5, Сі-бэмоль мажор, тв.100 (1944)
* Сымфонія №6, мі-бэмоль мінор, тв.111 (1945-47)
* Сымфонія №4, До мажор (другая вэрсія), тв.112 (1947)
* Сымфонія №7, до-дыез мінор, тв.131 (1951-52)

==== Аркестравыя сюіты ====
* Сюіты з балету «Рамэо і Джульета»
** Сюіта №1, тв.64bis
** Сюіта №2, тв.64ter
** Сюіта №3, тв.101
* Сюіты з балету ''Папялушка''
** Сюіта №1, тв.107
** Сюіта №2, тв.108
** Сюіта №3, тв.109
* Сюіты з балету ''Сказ пра каменную кветку''
** Вясельная сюіта, тв.126
** Цыганская фантазія, тв.127
** Уральская рапсодыя, тв.128
* ''Ала і Лолі'', скіфская сюіта, тв.20
* Сюіта з балету ''Блазан'', тв.21bis
* Сіюта з опэры ''Любоў да трох апэльсынаў'', тв.33bis
* Сюіта з опэры ''Вогнены Анёл'', тв.37bis
* Сюіта з балету ''Сталёвы скок'', тв.41bis
* Сюіта з балету ''Блудны сын'', тв.46bis
* ''Чатыры партрэты і разьвязка'', сюіта з опэры ''Гулец'', тв.49
* Сюіта з балету ''На Дняпры'', тв.51bis
* Сюіта з музыкі да кінафільму [[Паручнік Кіжэ (фільм)|Паручнік Кіжэ]], тв.60
* Эгіпэцкія ночы, сюіта з музыкі да спэктаклю, тв.61
* Сюіта з опэры ''Сямён Катко'', тв.81bis
* Вальсы, сюіта для сымфанічнага аркестру, тв.110
* ''Летняя ноч'', сюіта з опэры ''Заручыны ў манастыры'', тв.123

==== Іншыя творы для аркестру ====
* Сымфаніэта Ля мажор, першая вэрсія, тв.5 (1909)
* ''Сны'', тв.6 (1910)
* ''Восеньскае'', тв.8 (1910)
* Андантэ з Чацьвертай фартэпіяннай санаты, транскрыпцыя для аркестру, тв.29bis (1925-29)
* Увэртура на габрэйскія тэмы, транскрыпцыя для сымфанічнага аркестру, тв.34bis
* Увэртура Сі-бэмоль мажор для камэрнага аркестру, тв.42 (1926) і 42bis (вэрсія для сымфанічнага аркестру) (1928)
* Дывэртысмэнт, тв.43 (1925-29)
* Сымфаніэта Ля мажор, другая вэрсія, тв.48 (1929)
* Андантэ зь Першага струннага квартэту, для струннага квінтэту або струннага аркестру, тв.50bis (1930)
* Сымфанічная песьня, тв.57 (1933)
* Расейская ўвэртура, тв.72 (1936)
* Сымфанічны марш, тв.88 (1941)
* ''Ода на заканчэньне вайны'', тв.105 (1945), для 8 [[арфа]]ў, 4 [[фартэпіяна]]ў, аркестру духавых і ўдарных інструмэнтаў і кантрабасаў
* Сьвяточная паэма ''«Трыццаць гадоў»'', тв.113 (1947)
* ''Пушкінскія вальсы'', тв.120 (1949)
* Сьвяточная паэма ''«Сустрэча Волгі з Донам»'', тв.130 (1951)

=== Музыка для кіно ===
* [[Паручнік Кіжэ (фільм)|Паручнік Кіжэ]] (1933)
* ''Пікавая дама'', тв.70 (1936), паводле [[Аляксандар Пушкін|Аляксандра Пушкіна]]
* ''Аляксандар Неўскі'' (1938), фільм [[Сяргей Эйзенштэйн|Сяргея Эйзенштэйна]]
* ''Лермантаў'' (1941)
* ''Катоўскі'' (1942)
* ''Партызаны ва ўкраінскіх стэпах'' (1942)
* ''Тоня'' (1942)
* ''Іван Жахлівы'', тв.116 (142-45), фільм [[Сяргей Эйзенштэйн|Сяргея Эйзенштэйна]]

=== Інструмэнтальныя канцэрты ===

==== Фартэпіянныя канцэрты ====
* Канцэрт №1, Рэ-бэмоль мажор, тв.10 (1911-12)
* Канцэрт №2, соль мінор, тв.16 (1912-13, згублены, перанапісаны ў 1923)
* Канцэрт №3, До мажор, тв.26 (1917-21)
* Канцэрт №4, Сі-бэмоль мажор, (1931), для левай рукі (напісаны для [[Паўль Вітгенштайн|Паўля Вітгенштайна]])
* Канцэрт №5, Соль мажор (1932)
* Канцэрт №6, тв.134 (1953, незавершаны)

==== Скрыпічныя канцэрты ====
* Канцэрт №1, Рэ мажор, тв.19 (1916-17)
* Канцэрт №2, соль мінор, тв.63 (1935)

==== Віялянчэльныя канцэрты ====
* Канцэрт мі мінор, тв.58 (1933-38)
* Сымфонія-канцэрт для віялянчэлі й аркестру, тв.125 (1950-52)
* Кацэртына соль мінор, тв.132 (1952)

=== Камэрна-інструмэнтальныя ансамблі ===
* Дзьве санаты для скрыпкі і фартэпіяна, тв.80 і 94а
* Саната для скрыпкі сола, тв.115
* Саната для віялянчэлі і фартэпіяна, тв.119
* Саната для віялянчэлі сола, тв.133
* Саната для флейты і фартэпіяна, тв.94
* Два струнныя квартэты, тв.50 і 92
* Квінтэт соль мінор, тв.39 (для [[габой|габоя]], [[клярнэт]]а, [[скрыпка|скрыпкі]], [[альт (струнны інструмэнт)|альта]] і [[кантрабас]]а)

=== Вакальныя творы ===
* Два вершы, тв.9 (1910)
* ''Брыдкае качаня'' (казка [[Андэрсэн]]а), тв.18 (1914)
* Пяць вершаў, тв.23 (1915)
* Пяць вершаў [[Ганна Ахматава|Ганны Ахматавай]], тв.27 (1916)
* Пяць песьняў бяз словаў, тв.35 (1920)
* Пяць вершаў [[Канстанцін Бальмонт|К.Бальмонта]], тв.36 (1921)
* Пяць казаскіх песьняў (1927)
* Дзьве песьні з кінафільма ''Паручнік Кіжэ'', тв.60bis (1934)
* Тры дзіцячыя песьні, тв.68 (1936)
* Тры рамансы на словы Пушкіна, тв.73 (1936)
* Тры песьні з кінафільма [[Аляксандар Неўскі]], тв.78bis (1939)
* Сем песьняў, тв.79 (1939)
* Апрацоўкі расейскіх народных песьняў, тв.104 (1944)
* Два дуэты, апрацоўка расейскіх народных песьняў, тв.106 (1944)

=== Творы для фартэпіяна ===

==== Санаты ====
* Саната №1, Фа мажор, тв.1 (1907-09)
* Саната №2, рэ мінор, тв.14 (1914)
* Саната №3, ля мінор, тв.28 (1907-17)
* Саната №4, до мінор, тв.29 (1917)
* Саната №5, До мажор, першая вэрсія, тв.38 (1923)
* Саната №6, Ля мажор, тв.82 (1939-40)
* Саната №7, Сі-бэмоль мажор, тв.83 (1939-42)
* Саната №8, Сі-бэмоль мажор, тв.84 (1939-44)
* Саната №9, До мажор, тв.103 (1947)
* Саната №5, До мажор, другая вэрсія, тв.135 (1952-53)
* Саната №10, мі мінор, тв.137, незавершаная

==== П’есы ====
* Чатыры эцюды, тв.2 (1909)
* Чатыры п’есы, тв.3 (1911)
* Чатыры п’есы, тв.4 (1910-12)
* Таката рэ мінор, тв.11 (1914)
* Дзесяць п’есаў для фартэпіяна, тв.12 (1906-13)
* [[Сарказмы]] — пяць п’есаў для фартэпіяна, тв.17 (1912-14)
* [[Мімалётнасьці]] — дваццаць п’есаў для фартэпіяна, тв.22 (1915-17)
* ''Казкі старой бабулі'', тв.31 (1918)
* Чатыры п’есы, тв.32 (1918)
* ''Рэчы ў сабе'' — дзьве п’есы для фартэпіяна, тв.45 (1928)
* Дзьве санатыны для фартэпіяна, тв.54 (1931-32)
* Тры п’есы, тв.59 (1934)
* ''Думкі'' — тры п’есы для фартэпіяна, тв.62 (1933-34)
* ''Дзіцячая музыка'' — дванаццаць лёгкіх п’есаў, тв.65 (1935)

== Крыніцы ==
{{Крыніцы}}

== Літаратура ==
* Нестьев И. Жизнь С. Прокофьева. М., 1973
* Мартынов И.&nbsp;С.&nbsp;Прокофьев. Жизнь и творчество. М., 1974
* Прокофьев С.&nbsp;С.&nbsp;Автобиография. М., 1982
* Савкина Н. П. С.&nbsp;С.&nbsp;Прокофьев. М., 1982
* Прокофьев о Прокофьеве Статьи и интервью М.,1991
* Сергей Прокофьев. Дневник. Sprkfv, Paris, 2006

== Вонкавыя спасылкі ==
* [http://prokofiev.org/ Сайт пра Пракоф’ева]{{Ref-en}}
* http://www.peoples.ru/art/music/composer/prokofiev/
* http://www.krugosvet.ru/articles/18/1001876/1001876a1.htm
* [http://classic.chubrik.ru/Prokofiev/ Запісы некаторых твораў Пракоф’ева]
* [https://web.archive.org/web/20070921062733/http://100oper.nm.ru/132.html Кароткі зьмест опэраў Пракоф’ева]{{Ref-ru}}

{{САРТЫРОЎКА_ПА_ЗМОЎЧВАНЬНІ:Пракоф’еў, Сяргей}}
[[Катэгорыя:Савецкія кампазытары]]
[[Катэгорыя:Пахаваныя на Новадзявочых могілках]]
[[Катэгорыя:Асобы на марках]]
[[Катэгорыя:Вікіпэдыя:Былыя абраныя артыкулы]]