Сьцяг Кіраўскай вобласьці
Сьцяг Кіраўскай вобласьці зьяўляецца сымбалем Кіраўскай вобласьці. Прыняты 30 чэрвеня 2003 году.
Апісаньне
[рэдагаваць | рэдагаваць крыніцу]Сьцяг Кіраўскай вобласьці ўяўляе сабою простакутнае палатно з суадносінамі шырыні да даўжыні 2:3, падзеленае на тры гарызантальныя палосы:
- верхняя паласа белага колеру займае ¾ (тры чвэрці) шырыні сьцяга,
- сярэдняя паласа зялёнага колеру займае 1/8 (адну восьмую) шырыні сьцяга,
- ніжняя паласа сіняга колеру займае 1/8 (адну восьмую) шырыні сьцяга
У цэнтры паласы белага колеру на аддаленьні 1/8 (адной восьмы) ад яе верхняга і ніжняга бакоў разьмешчаны вылучаны чырвоным колерам геральдычны шчыт герба Кіраўскай вобласьці.
У сьцягу вобласьці:
- белы колер зьяўляецца знакам чысьціні маральных асноў, дабра і сьціпласьці, сьнежнай зімы
- зялёны — колер надзеі, радасьці і здароўя, урадлівасьці зямлі і лясных багацьцяў
- сіні — колер пэўнасьці, сумленнасьці, бездакорнасьці, сымбалізуе раку Вятку, якая аб’яднала на сваіх берагах насельніцтва вобласьці