Станіслаў Вільгельм Радзівіл

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Станіслаў Вільгельм Радзівіл
6 лютага 1880(1880-02-06)28 красавіка 1920(1920-04-28) (40 гадоў)
Месца нараджэньня Бэрлін
Месца сьмерці Малын

Станіслаў Вільгельм Радзівіл (6 лютага 1880, Бэрлін — 28 красавіка 1920, каля Малына, Украіна) — расейскі і польскі ваенны дзяяч.

Біяграфія[рэдагаваць | рэдагаваць крыніцу]

Нэкралёг пра Станіслава Радзівіла ў газэце «Słowo» (№ 251), разьмешчаны пасьля візіту Юзэфа Пілсудскага ў Нясвіж на сустрэчу з віленскімі кансерватарамі

Нарадзіўся 6 лютага 1880 году ў Бэрліне. З роду Радзівілаў. Сын Антонія Вільгельма.

Пасьля сьмерці бацькі ў 1904 годзе стаў уладальнікам Давыд-Гарадоцкай ардынацыі, прыняў расейскае падданства. Удзельнік расейска-японскай вайны 1904—1905 гадоў, Першай сусьветнай вайны. Пасьля Лютаўскай рэвалюцыі (1917) добразычліва адносіўся да беларускага нацыянальнага руху. У сакавіку 1917 году вітаў Зьезд беларускіх нацыянальных арганізацыяў. Адзін з заснавальнікаў польскай Нацыянальна-кансэрватыўнай партыі ў Петраградзе (кастрычнік 1917), сакратар арганізацыі партыі ў Менску. У лютым 1919 году ўступіў у трэці полк уланаў у складзе Літоўска-беларускай дывізіі. 30 ліпеня 1919 году прызначаны ад’ютантам Вярхоўнага галоўнакамандуючага польскай арміяй Юзэфа Пілсудскага.

Загінуў 28 красавіка 1920 году ў баі пад Малынам ва Ўкраіне[1].

Літаратура[рэдагаваць | рэдагаваць крыніцу]

  • Шышыгіна-Патоцкая, К. Нясвіж і Радзівілы / К. Шышыгіна-Патоцкая. — Мн.: Беларусь, 2007.

Крыніцы[рэдагаваць | рэдагаваць крыніцу]