Слонімскія замкі

Помнік абарончай архітэктуры
Слонімскія замкі
Краіна	Беларусь
Места	Слонім
Дата заснаваньня	XIII ст.

Слонімскія замкі — помнік гісторыі і абарончай архітэктуры ў Слоніме. Складаўся зь Верхняга і Ніжняга замкаў. Знаходзіўся на левым беразе ракі Шчары, на Замчышчы. Існаваў у XIII—XVIII стагодзьдзях.

Гісторыя

У XIII ст. у Слоніме збудавалі першы драўляны замак (пазьней Верхні замак). У XIV ст. побач зь ім зьявіўся Ніжні замак.

У 1520 годзе Ніжні замак перабудавалі пад драўляны палац з заляй паседжаньняў, дзе ў другой палове XVII ст. адбываліся генэральныя соймікі. За часамі вайны Маскоўскай дзяржавы з Рэччу Паспалітай 1654—1667 гадоў замкі захапіла маскоўскае войска.

Каля 1768 году на Замчышчы збудавалі палацава-паркавы комплекс Агінскіх.

Архітэктура

Верхні замак

Займаў узвышша памерам 150 на 200 мэтраў. Замкавая пляцоўка мела форму няправільнага прастакутніка, узвышалася над ракой на 3—4 мэтраў і атачалася ровам шырынёй 15—18 мэтраў і глыбінёй каля 8 мэтраў.

Ніжні замак

Займаў падковападобную пляцоўку побач зь Верхнім замкам, атачаўся земляным валам і вадзяным ровам.

Галерэя

• Гістарычныя здымкі Замчышча
• 
  Руіны палаца Агінскіх, каля 1900 г.
• 
  Аэрафотаздымак, 1915—1918 гг.
• 
  Пазьнейшая забудова, 1915—1918 гг.
• 
  З боку ракі, 1941 г.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2