Расейская Сацыялістычная Фэдэратыўная Савецкая Рэспубліка (1917—1922)

Расейская Сацыялістычная Фэдэратыўная Савецкая Рэспубліка Российская Социалистическая Федеративная Советская Республика
[[Расейская імпэрыя|←]] 1917—1922 [[СССР|→]]
Сьцяг Герб
Афіцыйная мова	Расейская мова
Сталіца	Петраград (1917—1918), Масква (1917—1922)
Найбуйнейшы горад	Петраград, Масква, Ніжні Ноўгарад, Растоў-на-Доне
Форма кіраваньня	савецкая рэспубліка
Валюта	Расейскі рубель
Незалежнасьць	1917—1922

Савецкая Расея — неафіцыйная назва самастойнай сацыялістычнай расейскай дзяржавы ў пэрыяд пасьля кастрычніцкага перавароту 1917 году і да стварэньня СССР у 1922 годзе (з 19 ліпеня 1918 году афіцыйна — РСФСР).

Акрамя таго, у больш шырокім тлумачэньні, асабліва ў замежнай прэсе, Савецкай Расеяй у пазьней часта называўся ўвесь СССР (або РСФСР у яго складзе).

У цяперашні час тэрмін Савецкая Расея выкарыстоўваецца рознымі гісторыкамі ў розных сэнсах, у залежнасьці ад кантэксту.

Узаемаадносіны РСФСР з самастойнымі савецкімі рэспублікамі

У пачатку 1919 году ў дзяржавах Украіны, Беларусі, Эстоніі, Латвіі і Летувы ўсталявалася савецкая ўлада. РСФСР разглядала гэтыя дзяржавы як сувэрэнныя, і пачала зь імі цесныя адносіны, якія датычыліся рашэньня ваенных, эканамічных і іншых праблемаў.

У чэрвені 1919 году быў прыняты дэкрэт УЦВК «Аб аб’яднаньні Савецкіх Рэспублік: Расеі, Украіны, Латвіі, Летувы, Беларусі для барацьбы з сусьветным імпэрыялізмам». У адпаведнасьці зь ім аб’яднаньню падлягалі рэспубліканскія органы ваеннай арганізацыі і ваеннага камандаваньня, СНГ, наркаматы фінансаў, працы, шляхоў зносінаў. Для кіраўніцтва гэтымі галінамі прадугледжвалася стварэньне адзіных калегіяў. Да 1920 году ў Летуве, Эстоніі і Латвіі савецкая ўлада была ліквідаваная і саюзныя адносіны спыніліся.

Аб’яднаньне ў СССР

29 сьнежня 1922 году ў Маскве на канфэрэнцыі дэлегацыяў ад зьездаў Саветаў РСФСР, УССР, БССР і ЗСФСР была падпісана Дамова пра ўтварэньне СССР. Гэты дакумэнт быў зацьверджаны 30 сьнежня 1922 году Першым Усесаюзным зьездам Саветаў і падпісаны часткамі дэлегацыяў. Гэта дата і лічыцца датаю ўтварэньня СССР, хоць Савет Народных Камісараў СССР (Урад) і наркаматы (міністэрствы) былі створаны толькі 6 ліпеня 1923 году.