Раман Тармола-Мірскі

Зьвесткі зь Вікіпэдыі — вольнай энцыкляпэдыі
(Перанакіравана з «Раман Тармола»)
Раман Тармола-Мірскі
Асабістыя зьвесткі
Нарадзіўся 4 красавіка 1936(1936-04-04)
Памёр 25 чэрвеня 2011(2011-06-25) (75 гадоў)
Літаратурная дзейнасьць
Род дзейнасьці паэт
Узнагароды

Раман Якубавіч Тармола-Мірскі (4 красавіка 1936, Мір, Карэліцкі раён — 25 чэрвеня 2011) — беларускі паэт, сцэнарыст.

Жыцьцяпіс[рэдагаваць | рэдагаваць крыніцу]

Нарадзіўся ў сям’і рамесьніка. У 1960 годзе скончыў гісторыка-філялягічны факультэт Менскага пэдагагічнага інстытуту. Працаваў старэйшым рэдактарам, загадчыкам літаратурна-мастацкага аддзелу, галоўным рэдактарам літаратурна-драматычных праграм, камэнтатарам па літаратуры і мастацтву Беларускага тэлебачаньня. З 1977 году сябра сцэнарна-рэдакцыйнай калегіі мастацкіх фільмаў кінастудыі «Беларусьфільм», з 1980 году — сябра сцэнарна-рэдакцыйнай калегіі тэлевізійных фільмаў Беларускага тэлебачаньня.

Творчасьць[рэдагаваць | рэдагаваць крыніцу]

Першыя творы публікавалі ў 1957 годзе («Настаўніцкая газета», «Чырвоная змена»). Аўтар кніг паэзіі «Асколкі і росы» (1964), «Поўня» (1966), «Абнаўленьне» (1968), «Міранка» (1971), «Побач» (1974), «Павага» (1976), «Зямное — зямному» (выбранае, 1979), «Вобразы вечара» (1982), «Толькі б дагаварыць» (1986), «Спрадвечнасьць» (выбранае, 1989). Выдаў кнігі для дзяцей «Каго баяцца ў лесе» (1973), «Казкі-падказкі» (1984).

Напісаў сцэнарыі дакумэнтальных фільмаў «Людзям сябе пакажы» (зьняты ў 1973 годзе), «Я не самотны… Максім Багдановіч» (зьняты ў 1982 годзе), тэлеспэктаклю «Зачараваны Валерка» (пастаўлены ў 1976 годзе).

У 2000-м годзе выйшаў у сьвет апошні зборнік паэзіі «Прычасьце».

Узнагароды[рэдагаваць | рэдагаваць крыніцу]

Ляўрэат літаратурнай прэміі імя Аркадзя Куляшова У 1996 годзе за вершы ў «Полыме» і «ЛіМе» (з кнігі вершаў «Прычасьце»).

Літаратура[рэдагаваць | рэдагаваць крыніцу]

  • Раман Якубавіч Тармола-Мірскі // Беларускія пісьменьнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.