Посттраўматычная рапсодыя

	Посттраўматычная рапсодыя;
	Посттравматична рапсодія
Жанр	эпічная драма
Рэжысэр	Паўло Когут
Сцэнарыст	Дзьмітры Карчынскі;
Прадусар	Паўло Когут; Дзьмітры Карчынскі;
У ролях	Назар Барушок; Максім Зярко; Уладзіслаў Фукіўскі; Тарас Кампанічэнка; Анатоль Гнацюк; Ільля Кыва; Анатоль Пашынін; Юлія Тайра Паеўская; Віталь Чорны;
Кампазытар	Тарас Кампанічэнка
Апэратар	Сяргей Смычок;
Вытворчасьць	Братство Production;
Дата выхаду	2018
Краіна	Украіна;
Мова	украінская; расейская, нямецкая
	Старонка на IMDb
	Афіцыйны сайт

Посттраўматы́чная рапсо́дыя (па-ўкраінску: Посттравматична рапсодія) — украінская эпічная драма, зьнятая рэжысэрам Паўлам Кагутам, экранізацыя аднайменнай п’есы Дзьмітрыя Карчынскага. Стужка распавядае пра байца дабраахвотніцкага батальёна Сашу, які выжыў пасьля абстрэлу пад Ілавайскам, прабіраецца да сваіх — і сустракае дарогай самых нечаканых спадарожнікаў і ворагаў, сярод якіх Нэстар Махно, Эрых фон Манштайн й іншыя. Прэм’ера была заплянаваная на канец студзеня 2018 году. З чэрвеня 2018 даступны для прагляду ў сетцы інтэрнэт^[1].

Цікавосткі[рэдагаваць | рэдагаваць крыніцу]

Аўтар сцэнару Дзьмітры Карчынскі, акторы Аляксей Серадзюк і Марат Сайфулін ўдзельнічалі ў штурме Ілавайска ў жніўні 2014 году.
Сярод актораў, якія здымаліся ў фільме, шмат байцоў добраахвотніцкіх батальёнаў і Ўзброеных сілаў. У прыватнасьці, Арцём Бязьверхі — удзельнік абароны Данецкага аэрапорту, баец 81-ай дэсантна-штурмавой брыгады. Марат Сайфулін, Андрэй Ватолкін, Аляксей Серадзюк, Максім Міхайлаў, Аляксандар Цішчанка, Юры Гаравец — у 2014—2015 былі байцамі добраахвотніцкіх батальёнаў «Сьвятая Марыя», «Азоў», «Шахтарск». Віталь Чорны — удзельнік добраахвотніцкага руху.
Ролю Эрыха фон Манштайна выканаў Анатоль Пашынін — вядомы расейскі і ўкраінскі актор. Пашынін выконваў адну з галоўных роляў у расейскай прапагандысцкай стужцы «Гразавыя вароты», якая выхваляла карную апэрацыю расейскіх фэдэральных войскаў супраць Чачэніі. Пасьля пачатку расейска-ўкраінскай вайны Пашынін ваюе добраахвотнікам на баку Ўкраіны (баец 8-га АБ Украінскай Добраахвотніцкай Арміі «Арата»).
Адзіны актор, які атрымаў ганарар за здымкі ў фільме — Анатоль Пашынін. Актор атрымаў ганарар у выглядзе зброі для свайго батальёну — 120-міліметровага мінамёту^[2].