Покаць (рака)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рака
Покаць
Выток каля в. Няўмесны
Вусьце Сож
Краіны басэйну Беларусь
Даўжыня 76 км
Сярэднегадавы сьцёк 2,9 м³/с
Плошча басэйну 504 км²
Нахіл воднай паверхні 0,6 ‰

По́каць — рака ў Краснапольскім раёне Магілёўскай вобласьці і Чачэрскім раёне Гомельскай вобласьці, левы прыток ракі Сожу (басэйн Дняпра). Даўжыня 76 км. Плошча вадазбору 504 км². Выдатак вады ў вусьці 2,9 м³/с. Сярэдні нахіл воднай паверхні 0,6‰.

Асноўныя прытокі — Калодня, ручай Покатка.

Агульныя зьвесткі[рэдагаваць | рэдагаваць крыніцу]

Пачынаецца на заходняй ускраіне вёскі Няўмесны Краснапольскага раёну, вусьце за 1 км на паўночны захад ад вёскі Петрапольле Веткаўскага раёну. Цячэ Чачорскай раўнінай.

Даліна на вялікім працягу добра распрацаваная, трапэцападобная (шырыня 0,5—1,5 км), у высокай плыні невыразная, у нізкай зьліваецца з абалонай Сажа. Схілы ўмерана стромкія, месцамі стромкія, вышынёй 15—20 м, у сярэдняй плыні адкрытыя. Абалона двухбаковая, шырыня яе ў сярэдняй і нізкай плыні 0,3—0,5 км, у вусьцевай частцы 1—1,3 км. Рэчышча каналізаванае ў Чачэрскім раёне на працягу 3,3 км, на астатнім працягу мэандруе, моцназьвілістае, асабліва ў сярэдняй плыні. Берагі пераважна стромкія, ніжэй за вёску Покаць Чачэрскага раёну месцамі абрывістыя, у высокай плыні нізкія, забалочаныя.

Шырыня ракі ў межань 0,5—2,5 м у высокай плыні, 10—12 м у сярэдняй і ніжняй. Найвышэйшы ўзровень разводзьдзя ў пачатку красавіка, сярэдняя вышыня над межанным узроўнем у нізкай плыні 2,8 м. Замярзае ў 1-й дэкадзе сьнежня, крыгалом у пачатку 3-й дэкады сакавіка. Прымае сьцёк з шэрагу мэліярацыйных каналаў[1].

Крыніцы[рэдагаваць | рэдагаваць крыніцу]

  1. ^ Блакітная кніга Беларусі. Энцыкл. — Менск, 1994. С. 294

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 294