Плютарх
Плютарх (па-старажытнагрэцку: Πλούταρχος, каля 45 — каля 120) — выбітны пісьменьнік Старажытнага Рыму, які паходзіў з Грэцыі і пісаў па-грэцку. Плютарх плённа працаваў у галінах біяграфіі, філязофіі і этыкі.
Сярод твораў Плютарха найбольш вядомы «Параўнальнцыя жыцьцяпісы» — біяграфіі выбітных дзеячоў антычнасьці. Плютарх аб’яднаў дзеячоў грэцкай і рымскай гісторыі, кожнага з грэкаў суаднёс з падобным да яго рымлянінам, а ў канцы кожнай пары біяграфій ён параўноўвае іх. У «Параўнальных жыцьцяпісах» Плутарх вельмі шмат увагі надае маральным якасьцям сваіх герояў, пры гэтым ён даволі часта крытыкуе, ці наадварот, ставіць у прыклад паводзіны таго ці іншага дзеяча. Акрамя таго, «Параўнальныя жыцьцяпісы» — гэта каштоўная гістарычная крыніца, бо Плютарх пры напісаньні біяграфіяў абапіраўся на абагульняючыя працы свайго часу, якія, на жаль, да нас амаль не дайшлі.
 |
Вікіцытатнік зьмяшчае збор цытатаў, датычных тэмы артыкула: |
| Гэта — накід артыкула. Вы можаце дапамагчы Вікіпэдыі, пашырыўшы яго. |