Отвідабэрг

Отвідабэрг швэдз. Åtvidaberg
Населены пункт
вул. Вэрксгатан у цэнтры мястэчка
Герб
Краіна	Швэцыя
Геаграфія
Плошча	5,42 км²
Часавы пас	UTC+1 UTC+2 (летні час)
Каардынаты	58°12′06″ пн. ш. 15°59′53″ у. д.
Насельніцтва
Колькасьць	7014 чал. (2015)
Отвідабэрг на мапе Швэцыі Отвідабэрг

Отвідабэрг (па-швэдзку: Åtvidaberg) — мястэчка на ўсходзе Швэцыі, у ляндскапе Эстэр’ётлянд і аднайменным лэне, цэнтар камуны Отвідабэрг. Насельніцтва на 31 сьнежня 2015 году — 7014 чалавек.

Гісторыя

У сярэднявеччы ў навакольлі сучаснага Отвідабэргу была знойдзена медзь, пра здабычу якой тут упершыню згадваецца ў 1413 годзе. Аднак напрыканцы XVI стагодзьдзя гэтая дзейнасьць была прыпыненая, і толькі ў 1754 прапаршчык Давід Галёнквіст атрымаў прывілей на яе аднаўленьне. Ужо праз 10 гадоў уладальнікам шахты Адэльснэс становіцца кампаньён Галёнквіста Юган Адэльсвэрд. Напрыканцы XIX стагодзьдзя запасы медзі ў Отвідабэргу былі практычна вычарпаны, і тады тагачасны ўладальнік шахты Тэадор Адэльсвэрд заснаваў спачатку мэблевую фабрыку, якая пазьней стала называцца Facit AB, а ў 1911 — аўтамабільны завод Åtvidabergs Vagnfabrik.

Спорт

У Отвідабэргу месьціцца футбольны клюб, росквіт якога прыпадаў на 1970-я гады.

Славутасьці

Новая царква (1885)

Чырвоны камень

• Медзяная шахта ў Бэрсбу (канец XVI ст.)
• Новая (Вялікая) царква (1885)
• Музэй ÅSSA, прысьвечаны індустрыі і аўтамабілям
• Сядзіба Адэльснэс (1920)
• Чырвоны камень — помнік паганскіх часоў

Асобы

• Ральф Эдстрэм (нар. 1952) — футбаліст
• Тумас Ульсан (нар. 1976) — футбаліст
• Фрыда Вальбэрг (нар. 1983) — прафэсійная баксэрка

Вонкавыя спасылкі

Отвідабэрг — сховішча мультымэдыйных матэрыялаў