Мікалай Раманоўскі (географ)

Мікалай Раманоўскі
	Мікалай Раманоўскі
Дата нараджэньня	7 сьнежня 1912
Месца нараджэньня	Менск, Расейская імпэрыя;
Дата сьмерці	7 студзеня 1997 (84 гады)
Месца вучобы	БДЭУ; Інстытут народнай гаспадаркі (1938);
Занятак	географ, прафэсар унівэрсытэту
Месца працы	БДУ; Менскі статыстычны тэхнікум[d]; геаграфічны факультэт БДУ;
Навуковая ступень	доктар эканамічных навук[d] (1971)
Узнагароды	;

Вікіпэдыя мае артыкулы пра іншых асобаў з прозьвішчам Раманоўскі.

Мікала́й Тара́савіч Рамано́ўскі (7 сьнежня 1912, ур. Мядзьведжына пад Менскам — 7 студзеня 1997) — дэкан геаграфічнага факультэту БДУ (1947—1955, 1962—1983). Беларускі навуковец у галіне эканамічнай геаграфіі.

Біяграфія[рэдагаваць | рэдагаваць крыніцу]

Нарадзіўся ў прыгарадзе Менску, ва ўрочышчы Мядзьвежына.

У 1934 паступіў у Беларускі інстытут народнай гаспадаркі на факультэт народнагаспадарчага ўліку, які скончыў з адзнакай. Быў рэкамэндаваны ў асьпірантуру Белдзяржунівэрсытэта.

Зь верасьня 1946 пэдагагічная і навуковая дзейнасьць зьвязана з БДУ; ў гэтым жа годзе М. Т. Раманоўскі абараніў падрыхтаваную яшчэ да вайны кандыдацкую дысертацыю.

У 1947 стаў дацэнтам катэдры эканамічнай геаграфіі і дэканам геаграфічнага факультэта, які ўзначальваў амаль 30 гадоў, (у 1947—1955 і ў 1962—1983).

Навуковая дзейнасьць[рэдагаваць | рэдагаваць крыніцу]

М. Т. Раманоўскі зьяўляецца адным са стваральнікаў беларускай школы эканамічнай геаграфіі. Ім распрацавана мэтодыка эканоміка-геаграфічнага аналізу народнагаспадарчага комплексу рэспублікі. У 1966 г. выдаў манаграфію «Развіццё мануфактурнай прамысловасці ў Беларусі (другая палова XVII — першая палова XIX стст.)». У 1970 г. абараніў доктарскую дысертацыю. У 1972 г. яму было нададзена вучонае званьне прафэсара.

Пад кіраўніцтвам і пры непасрэдным удзеле М. Т. Раманоўскага быў падрыхтаваны шэраг падручнікаў і дапаможнікаў для ВНУ, па якіх вучыліся многія пакаленьні студэнтаў-географаў. Ён чытаў лекцыі па эканамічнай геаграфіі замежных краін, геаграфіі сусьветнай гаспадаркі, геаграфіі Беларусі.

Мікалай Тарасавіч Раманоўскі зьяўляўся актыўным чальцом таварыства «Веды», вёў вялікую працу ў Камітэце салідарнасьці народаў Азіі і Афрыкі. З 1980 па 1995 г. узначальваў спецыялізаваны Савет па геаграфічных навуках пры Белдзяржунівэрсытэце, уваходзіў у склад спецсаветаў па эканамічных навуках АН Рэспублікі Беларусь ды інш.

Шматгадовая праца і ваенныя заслугі прафэсара М. Т. Раманоўскага былі адзначаны ордэнамі Айчыннай вайны I і II ступені, Чырвонай Зоркі, Дружбы народаў, мэдалямі і граматамі. У 1973 г. яму было нададзена званьне «Заслужаны работнік вышэйшай школы».

Творы[рэдагаваць | рэдагаваць крыніцу]

Росквіт Савецкай Беларусі. — Мінск: Дзярж. выд-ва БССР, 1950.
Геаграфія Беларускай ССР. — Мінск, 1952 (у суаўтарстве з Дзяменцьевым В. А.).
Беларуская Савецкая Сацыялістычная Рэспубліка / І. Краўчанка, М. Раманоўскі, Т. Хадкевіч. — Мінск : Дзяржаўнае выдавецтва БССР, Рэдакцыя палітычнай літаратуры, 1958. — 294, [1] с., [1] л. іл.
Развитие мануфактурной промышленности в Белоруссии: Вторая половина XVIII — первая половина XIX века. — Мн., 1966. — 425, [2] с.

Вонкавыя спасылкі[рэдагаваць | рэдагаваць крыніцу]

Інфармацыя на афіцыйным сайце геаграфічнага факультэту БДУ