Мурза (страва)

Мурза, Музя, Ягодніца, Лабанда — варэньне бяз цукру з чарніц.

Чарніцы насыпаюць у гаршчок, падтушваюць, памешваючы, у печы або духоўцы, потым дадаюць мукі, каб варэньне было гусьцейшым. Можна сухія чарніцы пасыпаць мукой, а потым тушыць. Чарніцы тушыліся (смажыліся) для таго, каб іх можна было есьці з хлебам, блінамі, аладкамі. Страва вельмі даўняя: «Зьвеку яна, гэтая мурза».

Беларуская і ўкраінская мурза ўтвораная ад мурзацца, мурзаты, што ў сваю чаргу зь летувіскага murzoti — намазваць, мазаць.

Літаратура

Артыкул створаны з дапамогай матэрыялаў з: Галіна Вештарт, праект «Наша ежа»