Шматкутнік

Шматкутнік^[1] (многавугольнік) — геамэтрычная фігура, утвораная замкнёнай ламанай лініяй і абмежаваная яе вяршынямі. Часам выкарыстоўваюцца іншыя вызначэньні:

плоская замкнёная ламаная;
плоская замкнёная ламаная без самаперасячэньняў;
частка роўніцы, абмежаваная ламанымі.

Вяршыні ламанай завуцца вяршынямі шматкутніку, а яе зьвёны — бакамі шматкутніку.

Зьвязаныя азначэньні

Вяршыні шматкутніку завуцца суседнімі, калі яны зьяўляюцца канцамі аднаго зь яго бакоў. Адцінкі, якія злучаюць несуседнія вяршыні шматкутніку, завуцца дыяганалямі.
Кутом (ці нутраным кутом) шматкутніку пры дадзенай вяршыні завецца кут, утвораны яго бакамі, зьбежнымі ў гэтай вяршыні, і зьмешчаны ў нутранай вобласьці шматкутніку. У прыватнасьці, кут можа пераўзыходзіць 180°, калі шматкутнік непукаты.
Вонкавым кутом пукатага шматкутніку пры дадзенай вяршыні завецца кут, сумежны нутранаму куту шматкутніку пры гэтай вяршыні. У агульным выпадку вонкавы кут — гэта рознасьць паміж 180° і нутраным кутом.

Глядзіце таксама

Крыніцы

^ Многавугольнік Гл.: шматкутнік // Слоўнік беларускай мовы (клясычны правапіс). Наша Ніва, 2001.

[1] Многавугольнік Гл.: шматкутнік // Слоўнік беларускай мовы (клясычны правапіс). Наша Ніва, 2001.

[1]