Максім Варабей

Агульная інфармацыя
Максім Варабей

Грамадзянства	Беларусь
Нарадзіўся	10 сьнежня 1995(1995-12-10) (28 гадоў) Барысаў, Менская вобласьць, Беларусь
Рост	184 см^[1]
Вага	82 кг^[1]
Кубак сьвету (у тым ліку Алімпійскія гульні)
Подыюмаў	0

Максім Варабей (нарадзіўся 10 сьнежня 1995 году, Барысаў) — беларускі біятляніст, удзельнік кубку сьвету па біятлёне, чалец нацыянальнай зборнай Беларусі.

Жыцьцяпіс

Займаецца біятлёнам з 2003 году, асабісты трэнэр — Васіль Бальшакоў. У міжнародных спаборніцтвах удзельнічае з 2010 году.

Першым буйным турнірам для Вераб’я стаў юніёрскі чэмпіянат сьвету 2015, які праходзіў у Раўбічах. На гэтым турніры заняў 8 месца ў індывідуальнай гонцы, 16 — у спрынце і 17 — у гонцы перасьледу. У эстафэце Варабей у складзе зборнай Беларусі заняў пятае месца.

На наступным юніёрскім чэмпіянаце, у 2016 годзе ў Кэйлі-Грэдыштэй, Максім заняў 10 месца ў індывідуальнай гонцы, 9 — у спрынце і чацьвертае — у гонцы перасьледу^[2]. У сэзоне 2015/16 таксама выступаў у моладзевым Кубку IBU і атрымаў перамогу на адным з этапаў^[3].

У сэзоне 2014/15 дэбютаваў на Кубку IBU ў спрынтэрскай гонцы на этапе ў Бэйтастолене, дзе заняў 78-е месца. Усяго ў сваім першым сэзоне ні разу ня змог набраць пункты ў залік Кубка IBU. У сэзоне 2015/16 выступаў нашмат больш удала, найлепшым вынікам стала шостае месца ў спрынце на этапе ў Рыднаўне.

Дэбютаваў у спаборніцтвах Кубка сьвету ў лютым 2016 году на этапе ў Кэнмары. У сваёй першай спрынтарскай гонцы, адстраляўшыся бяз пудлаў, заняў 19-е месца, што дазволіла яму набраць першыя пункты ў залік Кубка сьвету^[4].

Уключаны ў беларускую зборную на зімовых Алімпійскіх гульнях 2018 году.

Агульны залік Кубку сьвету

2015—2016 — 76 месца (22 пункты)
2016—2017 — 90 месца (9 пунктаў)

Крыніцы

^ ^а ^б ^в ^г Olympedia (анг.) — 2006.
^ Белорус Максим Воробей остановился в шаге от пьедестала на юниорском чемпионате мира по биатлону (рас.)
^ Юниорский Кубок мира. Воробей выиграл спринт (рас.)
^ Биатлон. Дебютант Кубка мира борисовчанин Максим Воробей занял 19-е место в спринте на этапе в Канаде(недаступная спасылка) (рас.)

Вонкавыя спасылкі

Максім Варабей — сховішча мультымэдыйных матэрыялаў

Профіль на сайце Міжнароднага зьвязу біятляністаў (анг.)

[_4ea7e7529377452a-1] а ^б ^в ^г Olympedia (анг.) — 2006.

[2] Белорус Максим Воробей остановился в шаге от пьедестала на юниорском чемпионате мира по биатлону (рас.)

[3] Юниорский Кубок мира. Воробей выиграл спринт (рас.)

[4] Биатлон. Дебютант Кубка мира борисовчанин Максим Воробей занял 19-е место в спринте на этапе в Канаде(недаступная спасылка) (рас.)

[1]

[2]

[3]

[4]