Магілеўская абласная філярмонія

	ДУК Магілеўская абласная філярмонія
	Магілеў. Старое места.
Скарот	МАФ
Папярэднік	Аддзяленьне Белдзяржфілярмоніі
Дата ўтварэньня	1990
Від	расходнае прадпрыемства
Праўны стан	установа культуры
Задача	стварэньне і правядзеньня музычных забаваў
Месцазнаходжаньне	Беларусь, Магілёўская вобласць, Магілеў
Дзейнічае ў месцах	Магілёўская вобласьць
Службовыя мовы	беларуская, расейская
Дырэктар	Сьвятлана Юр’еўна Ефімук
Мастацкі кіраўнік	Алена Міхайлаўна Беланожка
Управа	Мастацкая рада
Галоўная ўправа	Магілёўскі абласны выканаўчы камітэт
Зьвязаныя службы	Міністэрства культуры Беларусі
Старонка ў сеціве	Старонка ў сеціве
Колішняя назва	Аддзяленьне Белдзяржфілярмоніі

Магілёўская абласна́я філярмо́нія — філярмонія ў Магілеве. Створана ў 1990 годзе пры Ўправе культуры Магілёўскага аблвыканкаму на аснове гастрольна-канцэртнага аддзяленьня Беларскае дзяржаўнае філярмоніі. У 1996 годзе пад філярмонію рэканструяваны былы дом палітычнае асьветы, разьмешчаны на Тэатральнае плошчы, па адрасе вуліца Першамайская, 10.

У яе складзе (паводле стану на 1999 ):

мужчынскі камэрны хор «Унія» (мастацкі кіраўнік і дырыгент К. Насаеў)
аркестар народных інструмэнтаў (мастацкі кіраўнік і галоўны дырыгент Л. Іваноў)
камэрны інструмэнтальны ансамбль «Барыня»
шоў-балет
гурты
- вакальны-інструмэнтальны «03»
- сямейны народных сьпеваў «Весялуха»
- эстрадна-цыркавыя «Казіно сьмеху»
- «М+М»
- «Цырк на сцэне» і інш.;

Сярод артыстаў — сьпявачкі І. Абалян, А. Мацярынка, Н. Шарубіна, флейтыст У. Буры, ілюзіяніст С. Фельдман. У філярмоніі пачынаў творчую дзейнасьць А. Цівуноў, у яе студыі па падрыхтоўцы маладых артыстаў вучыліся сьпевакі С. Франкоўскі, А. Кавалеўскі.

Вядзе чынную дзейнасьць па стварэньні і правядзеньні музычных фэстываляў і конкурсаў, сьвят гораду Магілева, у т. л. міжнароднага фэстывалю «Залаты шлягер» (з 1995), «Фэстывалю харавой музыкі» (1991), міжнародныя эстрадныя імпрэзы «Беларусь зьбірае сяброў» (1993), эстраднага фэсту «Рэха „Славянскага кірмашу“» (1994), «Магілёўскай музычнай вясны» (1995), «Каляднага фэстывалю» і IV Сусьветнага кангрэса цымбалістаў (1997), Міжнародных пленэраў па жывапісе імя В. К. Бялыніцкага-Бірулі (у сьвяткаваньні 125-годзьдзя з дня яго нараджэньня ўдзельнічалі камэрныя аркестры «Віртуозы Масквы» і «Вівальды-аркестр» пад кіраўніцтвам С. Бязроднай), удзельнічае ў фэстывалі «Беларуская музычная восень», у працы міжнароднага дабрачыннага Фонду У. Сьпівакова. З 1997 году прадстаўніцтва філярмоніі працуе ў Менску.