Лінаўскі піхтарнік
Ліно́ўскі піхта́рнік — помнік прыроды рэспубліканскага значэньня (1996). Знаходзіцца за 7 км на поўдзень ад чыгуначнай станцыі Аранчыцы Пружанскага раёну, тэрыторыя Ліноўскага лясьніцтва Пружанскага лясгасу. Агульная плошча — 16,7 га[1].
Піхтарнік выяўлены і дасьледаваны ў 1994—1995 роках. На двух участках плошчай каля 3 га растуць 12 рознаўзроставых дрэваў піхты белай. Узрост найстарэйшых дрэваў — каля 60 рокаў.
Піхта белая — вельмі рэдкі, рэліктавы эўрапейскі від, занесены ў Чырвоную кнігу Рэспублікі Беларусь. На тэрыторыі Беларусі, акрамя Ліноўскага лесу, расьце яшчэ толькі ў адным месцы[2] — на ўсходняй ускраіне Белавескай пушчы. Бліжэйшыя арэалы — Валынь (нязначныя тэрыторыі) і Карпаты[3].
Ліноўскі піхтарнік быў адным з кандыдатаў на ўдзел у галасаваньні па выбары «Сямі цудаў Беларусі»[4].
Крыніцы і заўвагі
- ^ Решение Министерства природных ресурсов и охраны окружающей среды Республики Беларусь от 29 октября 1996 г. № 10-2 «Об объявлении памятниками природы отдельных природных объектов» (рас.) Банк законов Праверана 29 лютага 2012 г.
- ^ Зямля, якая не стамляецца здзіўляць // Народная газета. — 26 лютага 2008.
- ^ «Об особо охраняемых природных территориях и объектах» (рас.) Памятники природы. Природа брестской области. Путешествия, туризм и отдых в области. Праверана 29 лютага 2012 г.
- ^ Шукайце цуды ў сваёй Айчыне! // Народная газета. — 30 траўня 2009. — № 99 (5014).