Легенды Айзэнвальда

	Legends of Eisenwald
Дата выпуску	2 ліпеня 2015 (9 гадоў таму)
Жанр	Кампутарная ролевая гульня
Стваральнікі
Распрацоўнік	Aterdux Entertainment
Выдавец	Aterdux Entertainment
Мова інтэрфэйсу	ангельская мова, нямецкая, расейская мова, француская мова, гішпанская мова, італьянская мова і спрошчаная кітайская[d]
Тэхнічныя дэталі
Рухавік	Aterdux Engine 9
Плятформа	Microsoft Windows
Рэжым	Адзінаасобная гульня
Носьбіт	лічбавы распаўсюд[d] і лічбавая загрузка[d]
Кіраваньне	Клявіятура, мыш
	Афіцыйны сайт

«Леге́нды Айзэнва́льда» (па-ангельску: Legends of Eisenwald) — адзінаасобная тактычная ролевая гульня беларускае кампаніі «Aterdux Entertainment»^[2]. Сродкі на гульню былі сабраныя праз краўдфандынгавую кампанію на Кікстартэры^[3] (2013), 2 ліпеня 2015 гульня выйшла на плятформе «Steam».

Гульнявы працэс

Гульнявы працэс падзяляецца на дзьве галоўныя часткі: узаемадзеяньні на вялізнай мапе, выкананьне заданьняў, гандаль зброяй, дасьпехамі, зёлкамі й іншымі рэчамі, узбраеньне войска, кіраваньне замкамі й іншымі ўладаньнямі, і ўласна бітвы.

У гульнявым сьвеце ў рэальным часе, акрамя герою, рухаюцца і дзейнічаюць аддзелы іншых фэўдалаў і збойцаў. Асноўнай крыніцай прыбыткаў і сацыяльнага статусу ёсьць замак, дзе можна аднавіць здароўе, адпачнуць і наняць ваяроў. Таксама кантроль над замкам дазваляе не марнаваць грошы на ўтрыманьне войска. Рэкрутаваць жаўнераў можна ў вёсках, замках, местах і манастырох, у кожным зь якіх можна наняць толькі пэўны іхні від, а таксама наняць наймітаў у шынках.

Бітвы складаюцца з супрацьстаяньня аддзелаў героя (могуць складацца з 11 адзінак) і варожымі аддзеламі. У канцы бітвы пераможца атрымлівае пункты досьведу. Усе адзінкі атрымліваюць досьвед прапарцыйна свайму ўдзелу ў бітве. Пры назапашваньні патрэбнай колькасьці досьведу войскі павялічваюць свае ўменьні, калі такія дасяжныя. Паляпшэньне адзінак бескаштоўнае і можа быць зробленае неадкладна альбо ў пазьнейшы час. Акрамя гэтага, вайсковыя адзінкі можна ўзмацняць з дапамогай амулетаў і зёлак.

У пачатку кампаніі гулец можа абраць сваю клясу (рыцар, баранэса ці містык). Кожная кляса мае свае перавагі. Напрыклад, рыцар здольны навучыцца скакаць на кані, баранэса можа карыстацца лукамі і арбалетамі, а маг можа засвоіць групавыя закляцьці. У адрозьненьне ад звычайных войскаў, героі не зьмяняюць свой выгляд пры паляпшэньнях і могуць засвойваць новыя ўменьні.

Дрэвы ўменьняў герояў падзяляюцца на тры галіны: баявая, фэўдальная і камандная. Баявыя ўменьні ўнікальныя для кожнае клясы, а фэўдальныя і камандныя аднолькавыя.

Сюжэт

«Легенды Айзэнвальду» — фэнтэзійная РПГ, дзеяньне якой адбываецца ў выдуманым княстве Айзэнвальд у сярэднявечнай Нямеччыне часоў Сьвятой Рымскай імпэрыі. Асноўныя падзеі засяроджаныя на жыцьці наймалодшага сына барона Лянштайна, які па вяртаньні ў родныя мясьціны даведваецца, што сямейны замак^[4] зачынены для ўваходу. Магчымыя два розныя сцэнары: «Маскарад» ды «Пракляты замак» — у розных месцах Айзэнвальду.

Успрыняцьце

Крыніцы

^ ^а ^б ^в ^г ^д ^е ^ё Steam — 2003.
^ Legends of Eisenwald review (анг.) PC Gamer Праверана 2 лістапада 2015 г.
^ Legends of Eisenwald by Aterdux Entertainment (анг.). Kickstarter. Праверана 2 лістапада 2015 г.
^ Lahnstein Castle (анг.) Gamepedia

Вонкавыя спасылкі

[_c2f81c60513fa4df-1] а ^б ^в ^г ^д ^е ^ё Steam — 2003.

[pcgamer-2] Legends of Eisenwald review (анг.) PC Gamer Праверана 2 лістапада 2015 г.

[kickstarter-3] Legends of Eisenwald by Aterdux Entertainment (анг.). Kickstarter. Праверана 2 лістапада 2015 г.

[gamepedia-4] Lahnstein Castle (анг.) Gamepedia

[1]

[2]

[3]

[4]