Крапівенка (прыток Дняпра)

Зьвесткі зь Вікіпэдыі — вольнай энцыкляпэдыі
(Перанакіравана з «Крапіўна (рака)»)
Перайсьці да навігацыі Перайсьці да пошуку
Рака
Крапівенка
Выток каля в. Сідараўка
Вусьце Дняпро
Краіны басэйну Беларусь
Даўжыня 23 км
Плошча басэйну 156 км²
Нахіл воднай паверхні 2,1 ‰

Крапі́венка, Крапіўна — рака ў Аршанскім раёне Віцебскай вобласьці, левы прыток ракі Дняпра. Даўжыня 23 км. Плошча вадазбору 156 км². Сярэдні нахіл воднай паверхні 2,1 ‰.

Агульныя зьвесткі[рэдагаваць | рэдагаваць крыніцу]

Пачынаецца на ўсходняй ускраіне вёскі Сідараўка, вусьце каля вёскі Гацькаўшчына. Рэчышча каналізаванае на працягу 7,8 км (1 км на паўночны захад ад вёскі Кустоўка да моста на аўтадарозе места Горкі — места Ворша). На рацэ ў сярэдняй плыні паміж вёскамі Гараны і Барадуліна створана вадасховішча з аднайменнай назвай. Левыя прытокі — Хатынь, Дзеравіж.

Гісторыя[рэдагаваць | рэдагаваць крыніцу]

На рацэ Крапіўне, 8 верасьня 1514 року адбылася бітва паміж войскамі Вялікага Княства Літоўскага і Маскоўскай дзяржавы (Бітва пад Воршай), у выніку якой маскоўская раць страціла забітымі блізу 40 тыс. чал.

Аршанская бітва была адной з найбуйнейшых у Эўропе ў пачатку XVI стагодзьдзя. У выніку бліскучай перамогі ініцыятыва ў вайне перайшла ў рукі Вялікага Княства Літоўскага. Усе захопленыя маскавітамі месты, апрача Смаленску, былі вызваленыя.

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 203