Касьцёл Унебаўзяцьця Найсьвяцейшай Панны Марыі (Зьдзецел)
Марыінскі касьцёл у Дзятлаве — помнік архітэктуры раньняга барока (з рысамі рэнэсансу) і Віленскага барока.
Гісторыя
- 1624 — фундаваны уладальнікам мястэчка Львом Сапегай.
- 1646 — змураваны канчаткова па фундацыі К.Л.Сапегі.
- 1743 — моцна пашкоджаны пажарам.
- 1743-1751 — адноўлены архітэктарам Аляксандрам Асікевічам, па фундацыі Мікалая Фаўстына Радзівіла.
- 1882 — пасьля пажару заменены дах.
- 1900 — звонку касьцёл абнесены мураванай сьцяною з брамаю.
Архітэктура
Першапачатковы раньнебарочны храм, які складаўся з аднанэфнай залі-каталікону з далучаным да яго прэзьбітэрыям з паўкруглай апсідай і двума закрыстыямі па бакох. Сьцены каталікона ўмацаванымі контрфорсамі, у чым можна бачыць праявы гатычнай традыцыі храмабудаўніцтва, рысы характэрнай для раньняга барока ВКЛ.
У сярэдзіне XVIII ст. храм быў перабудаваны ў стылі віленскага барока: з боку увахода былі збудаваныя дзьве стромкія вежы, што надало галоўнаму фасаду надзвычайную ўзьнёсласьць.
Літаратура
- Габрусь, Т.В. Мураваныя харалы: Сакральная архітэктура беларускага барока. Мн., 2001. ISBN 985-04-0499-X
- Кулагін, А.М. Каталіцкія храмы на Беларусі: Энцыклапедычны даведнік. Мн., 2001. ISBN 985-11-0199-0