Касьцянкі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Касьцянкі
Lithobius forficatus.jpg
Lithobius_forficatus
Клясыфікацыя
Царства Жывёлы
Тып Суставаногія
Надкляса Мнаганожкі
Атрад Касьцянкі
Бінамінальная намэнклятура
Lithobiomorpha

Касьцянкі (Lithobiomorpha) — атрад губаногіх мнаганожак.

Вядома каля 800 відаў. Пашыраны ўсюды, акрамя пустынь. Жывуць пад камянямі, карой пнёў, у парахні, у вільготных мясьцінах. На Беларусі найчасьцей трапляецца касьцянка звычайная, або мнаганожка-каменялаз.

Даўжыня да 50 мм. Зьнешне падобныя да скаляпэндравых. Цела пляскатае, зьверху рыжаватае або карычневае. Тулава сэгмэнтаванае, укрытае цьвёрдым хітынавым покрывам (адсюль назва). Ног 15 пар.

Кормяцца дробнымі вусякамі. Здабычу забіваюць ядам залоз, што знаходзяцца ў нагасківіцах.

Раздзельнаполыя, адкладваюць адзінкавыя яйцы.

Літаратура[рэдагаваць | рэдагаваць крыніцу]

  • Касцянкі // БелЭн у 18 т. Т. 8. Мн., 1999.

Вонкавыя спасылкі[рэдагаваць | рэдагаваць крыніцу]

Commons-logo.svg Касьцянкісховішча мультымэдыйных матэрыялаў