Канал танальнай частасьці

Канал танальнай частасьці (канал ТЧ) — гэта сукупнасьць тэхнічных сродкаў (апаратуры) і асяродзьдзя перадачы (фізычны ланцуг і т. д.), якая забясьпечвае перадачу электрычных сыгналаў сувязі з эфэктыўна перадатнай паласой частасьці (ЭППЧ) 0,3—3,4 кГц.

Эфэктыўна перадатная паласа частасьці — паласа частасьцяў, рэшткавае згасаньне на крайніх частасьцях якой адрозьніваецца ад рэшткавага згасаньня на частасьці 800 Гц ня больш чым на 1 Нп пры максымальнай далёкасьці сувязі, якая ўласьцівай дадзенай сыстэме.

Шырыня ЭППЧ вызначае якасьць тэлефоннай перадачы, і магчымасьць выкарыстаньня тэлефоннага каналу для перадачы іншых відаў сувязі. У адпаведнасьці зь міжнародным стандартам для тэлефонных каналаў шматканальнай апаратуры ўсталявана ЭППЧ ад 300 да 3400 Гц. Пры такой паласе забясьпечваецца высокая ступень пераборлівасьці гаворкі, добрая натуральнасьць яе гучаньня й ствараюцца вялікія магчымасьці для другаснага ўшчыльненьня тэлефонных каналаў.

Рэжымы працы канала ТЧ

Рэжым канала ТЧ	Узровень на ўваходзе каналу Рвх, дб/Нп	Узровень на выхадзе каналу Рвых, дб/Нп	Рэшткавае згасаньне аr, дб/Нп
2ПР АК	0/0	−7.0/-0.8	+7.0/+0.8
2ПР ТР	−3.5/-4	−3.5/-4	0/0
4ПР АК	−13/-1.5	+4.0/+0.5	−17.0/-2.0
4ПР ТР	+4.0/+0.5	+4.0/+0.5	0/0

Прызначэньне рэжымаў

• 2 ПР АК — для адкрытай тэлефоннай сувязі пры адсутнасьці на тэлефонным камутатары транзытных падаўжальнікаў;
• 2 ПР ТР — для часавых транзытных злучэньняў адкрытых тэлефонных каналаў, а таксама для канцавой сувязі пры наяўнасьці на тэлефонным камутатары транзытных падаўжальнікаў;
• 4 ПР АК — для выкарыстаньня ў сетках шматканальнага танальнага тэлеграфа, зачыненай тэлефоннай сувязі, перадачы дадзеных і т. п., а таксама для транзытных злучэньняў пры значнай даўжыні злучальных лініяў;
• 4 ПР ТР — для доўгачасовых транзытных злучэньняў.