Кабзар (кніга)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Кабзар
Кобза́р
First Kobzar.jpg
першае выданьне «Кабзара», 1840
Жанр: паэзія
Аўтар: Тарас Шаўчэнка
Мова арыгіналу: украінская
Год напісаньня: 1840
Публікацыя: 1840
Электронная вэрсія

«Кабза́р» (па-ўкраінску: Кобза́р) — назва зборніку паэтычных твораў Тараса Шаўчэнкі на ўкраінскай мове. У наш час пад назвай «Кабзар» разумеюць усе вершаваныя творы Шаўчэнкі, аднак «Кабзар» утрымлівае толькі частку яго паэзіі.

Упершыню «Кабзар» быў выдадзены ў 1840 годзе ў Санкт-Пецярбургу пры садзейнічаньні Яўгена Грабінкі. У зборнік увайшло ўсяго восем твораў: «Перебендя», «Катерина», «Тополя», «Думка» («Нащо мені чорні брови»), «До Основ’яненка», «Іван Підкова», «Тарасова ніч» і «Думи мої, думи мої, лихо мені з вами», які быў напісаны адмыслова для гэтага зборніку і зьяўляецца своеасаблівым эпіграфам ня толькі да гэтага выданьня, але і да ўсёй творчасьці Тараса Шаўчэнкі.

Пасьля выданьня гэтага зборніку самога Тараса Шаўчэнку пачалі называць Кабзарам. Ён нават сам пазьней у некаторых сваіх аповесьцях пачынаў падпісвацца «Кабзар Дармаграй».

На беларускай мове асобнай кнігай выдаваўся ў 1939, 1952 гадох. У 2014 годзе тэкст «Кабзара» выйшаў у кнізе «І мёртвым, і жывым, і ненароджаным…»