Жэмчуг
| Падкляса ад | жывёльны прадукт, арганічны каштоўны камень, spherical body  |
|---|---|
| Прызначэньне | нацыянальны строй, аксэсуар адзежы, ювэлірнае ўпрыгожаньне |
| Матэрыял | пэрлямутар |
| Колер рысы | колеры вясёлкі |
| Код НАРП | 7101.10.00 |
Жэмчуг, таксама пэрлы — цьвёрдае круглявае ўтварэньне, выманае з ракавінаў некаторых малюскаў. Можа клясыфікавацца як мінэрал кляса арганічных злучэньняў. Шануецца як каштоўны камень і выкарыстоўваецца для вытворчасьці ювэлірных упрыгожваньняў.
Утвараецца ў мяккіх тканках жывых малюскаў з ракавінкай. Як і ракавінка малюска, жамчужына складаецца з карбанату кальцу (пераважна з араганіту або сумесі араганіту і кальцыту)[1] у выглядзе дробных крышталяў, што адкладаюцца канцэнтрычнымі плястамі. Найбольш каштоўныя ў гандлёвым сэнсе жамчужына мусяць быць ідэальнай формы бобачкай з гладкай паверхняй, але існуюць і шматлікія іншыя формы, вядомыя як барочныя жамчужыны. Пэрлы найвышэйшай якасьці цягам многіх стагодзьдзяў высока цаніліся як каштоўныя камяні і аб’екты прыгажосьці. Таму жамчужына стала мэтафарай чагосьці рэдкага, вытанчанага, вартага захапленьня і каштоўнага.
Найбольш каштоўныя пэрлінкі ўзьнікаюць самаадвольна ў дзікай прыродзе, але надзвычай рэдка. Такія жамчужыны называюць натуральнымі. Культываваныя або вырашчаныя жамчужыны з марскіх вустрыцаў і прэснаводных малюскаў складаюць большасьць тых, што трапляюцца сёньня на рынку. Імітацыйныя жамчужыны таксама шырока выкарыстоўваюцца ў недарагой біжутэрыі. Жамчужыны зьбіраюць і вырошчваюць пераважна дзеля стварэньня ювэлірных вырабаў, але ў мінулым іх таксама выкарыстоўвалі дзеля ўпрыгожваньня адзеньня. Акрамя таго, іх раней раструшчвалі і ўжывалі ў касмэтыцы, мэдыцыне і як фарбавальныя складнікі.
Крыніцы
[рэдагаваць | рэдагаваць код]- ↑ Pearl. Gemdat.org. Архіўная копія ад 04.2017 г.