Ісус Хрыстос — супэрзорка

Ісус Хрыстос — супэрзорка
Jesus Christ Superstar
Вокладка альбому 1970 году ў ЗША
Жанр	Рок-опэра
Аўтар	Тым Райс (лібрэта)
Кампазытар	Эндру Лойд Ўэбэр
Працягласьць	1 г 27 хв
Краіна	Вялікабрытанія
Мова	Ангельская
Год прэм’еры	1970

«Ісус Хрыстос — супэрзорка» (па-ангельску: Jesus Christ Superstar) — рок-опэра, створаная ў 1970 годзе брытанскім кампазытарам Эндру Лойдам Ўэбэрам на лібрэта Тыма Райса. 12 кастрычніка наступнага году адбылася пастаноўка твору ў якасьці мюзыкла ў ЗША.

У 1971 годзе быў выдадзены двухкружэлкавы альбом Jesus Christ Superstar, у якім галоўную ролю (Ісуса Хрыста) выканаў вакаліст Deep Purple Ян Гілан.

Галоўныя ролі

Роля	Вакальны дыяпазон	Апісаньне
Ісус Хрыстос	тэнар (A2–A5)	Галоўны пэрсанаж, настаўнік дванаццаці апосталаў, чалавек, якога клічуць «сынам гасподнім» і «царом юдэяў».
Юда Іскарыёт	тэнар (D3–D5)	Мяркуецца галоўным пратаганістам опэры. Адзін з дванаццаці апосталаў, занепакоены наступствамі Ісусавай славы.
Марыя Магдаліна	мэцца-сапрана (F3–E♭5)	Пасьлядоўніца Ісуса, што закахалася ў яго.
Понтыюс Пілят	барытон (A2–B4)	Прэфэкт Юдэі, які ў сьне бачыць падзеі ад самага пачатку да ўкрыжаваньня Ісуса.
Каяфа	бас (C♯2–F4)	Адзін з галоўных антаганістаў опэры. Первасьвятар, які лічыць Ісуса пагрозай усяму краю.
Анна	кантратэнар (G2–D5)	Адзін з галоўных антаганістаў опэры. Першасьвятар, паплечнік Каяфы, намаганьнямі якога перакананы ў вінаватасьці Хрыста.
Пётар	барытон (A2–G4)	Адзін з дванаццаці вучняў Ісуса. Тройчы адракаецца Ісуса наступным жа днём па арышце Хрыста, каб уратавацца.
Сымон Зілот	тэнар (G3–B4)	Адзін з дванаццаці вучняў Ісуса. Прызывае Ісуса павесьці ягоных пасьлядоўнікаў у бой супраць рымлянаў.
Цар Ірад	тэнар (C♯3–G4)	Цар Галілеі. Ісуса прыводзяць на суд Іраду пасьля першай сустрэчы зь Пілятам.