Дэпартамэнт фінансавага маніторынгу Камітэта дзяржаўнага кантролю Рэспублікі Беларусь

Дэпартамэнт фінансавага маніторынгу Камітэта дзяржаўнага кантролю Беларусь
Даведка
Дата ўтварэньня	14 верасьня 2003 (21 год таму)
Сядзіба	220030, Беларусь, г. Менск, вул. К.Маркса, 5
Дырэктар	Вячаслаў Рэўт
Управа	Камітэт дзяржаўнага кантролю
Галоўная ўправа	Прэзыдэнт Беларусі

Дэпартамэнт фінансавага маніторынгу Камітэта дзяржаўнага кантролю Беларусь — служба фінансавае выведкі Беларусі. Была створаная 14 верасьня 2003 году. Служба знаходзіцца ў падпарадкаваньні Камітэту дзяржаўнага кантролю Рэспублікі Беларусь. Начальнік службы мае назву дырэктар Дэпартамэнт фінансавага маніторынгу Камітэта дзяржаўнага кантролю Беларусь.

Мінулае

У 1989 годзе міжнароднаю супольнасьцю была створана Група распрацоўкі фінансавых мер барацьбы з адмываньнем грошай. Яна ў межах сваёй дзейнасьці запісала некаторыя меры па разьвіцьці нацыянальнага заканадаўства і ўмацаваньню міжнароднага супрацоўніцтва ў гэтай галіне. Многія краіны сьвету стварылі спэцыялізаваныя дзяржаўныя структуры, якія займаюцца барацьбою “адмываньня” грошай. Яны атрымалі назву “падразьдзяленьне фінансавае разьведкі”.

Пасьля распаду СССР Рэспубліка Беларусь з самага пачатку прымала дзейны ўдзел у барацьбе зь легалізацыяй злачынных даходаў і фінансаваньнем тэрарызму, а таксама ў прывядзеньні нацыянальнага заканадаўства ў адпаведнасьць з міжнароднымі стандартамі. 19 ліпеня 2000 года прыняты Закон Рэспублікі Беларусь №426-З “Аб мерах па прадухіленьні легалізацыі даходаў, атрыманых незаконным шляхам”. У ім быў прадугледжаны ўрад, які ажыцьцяўляе дзейнасьць па прадухіленьні легалізацыі даходаў, атрыманых незаконным шляхам, і фінансаваньня тэрарыстычнай дзейнасьці. Урад меў назву орган фiнансавага манiторынгу, якi ствараецца па рашэньню Прэзыдэнта Рэспублікі Беларусь. Аднак той урад быў заснаваны толькі у 2003 годзе. У адпаведнасьці з Указам Прэзыдэнта Рэспублікі Беларусь ад 14 верасьня 2003 г. № 408 урад быў створаны і ўключаны ў склад Камітэта дзяржаўнага кантролю Рэспублікі Беларусь. Урад атрымаў назву — Дэпартамэнт фінансавага маніторынгу.

6 кастрычніка 2004 года Дэпартамэнт фінасавага маніторынгу Беларусі прыняў удзел ва ўстаноўчым зьезьдзе (канфэрэнцыі) ў Расеі, ў г. Масква. Служба фінансавае выведкі стала заснавальнікам і ўвайшла ў склад Эўразыйскае групы па супрацьдзеяньні легалізацыі злачынных даходаў і фінансаваньню тэрарызму. Дэпартамэнт прадстаўля Беларусь у тае Групе. 30 траўня 2007 года ў рамках 15-га Плянарнага пасяджэньня Групы падразьдзяленьняў фінансавай разведкі “Эгмант” Дэпартамэнту фінансавага маніторынгу быў нададзены статус паўнапраўнага члена гэтай групы.

Беларусь зьяўляецца дзейным удзельнікам міжнародных мерапрыемстваў, накіраваных на абмен вопытам і злучэньню барацьбы з адмываньнем грошаў і фінансаваньнем тэрарызму (паседжаньня Эўразыскае групы, Група распрацоўкі фінансавых мер барацьбы з адмываньнем грошай, Эгмант, МАНІВЭЛ, розныя канфэрэнцыі і сэмінары, навучальныя лекцыі і курсы і інш.).

У 2013 годзе ўпершыню ў г. Менску было праведзена 18-ае Плянарнае пасяджэньне Эўразыйскае групы па супрацьдзеяньні легалізацыі злачынных даходаў і фінансаваньню тэрарызму. У ім прынялі ўдзел больш за 170 прадстаўнікоў дзяржаў-членаў Эўразыйскае групы па супрацьдзеяньні легалізацыі злачынных даходаў і фінансаваньню тэрарызму, іншых краін і міжнародных арганізацый. З 2012 па 2014 гг. па выніках удзелу ў конкурсе на лепшую справу Групы Эгмант Дэпартамэнт тройчы атрымаў сэртыфікат за актыўны ўклад.

Права

Фінасавае права Беларусі часта мае зьмены й дапаўненьні. Яны робяцца ў мэтах удасканаленьня заканадаўства, бо яны неабходныя для рэагавання на сучасныя выклікі фінансавае злачыннасьці.

З часу стварэньня Дэпартамэнта многа разоў уносіліся зьмены і дапаўненьні ў заканадаўства краіны ў галіне супрацьдзеяньні легалізацыі злачынных даходаў і фінансаваньню тэрарызму. Напрыклад, 11 сьнежня 2005 г. быў прыняты Закон Рэспублікі Беларусь N 68-З “Аб унясеньні змяненьняў і дапаўненьняў у Закон Рэспублікі Беларусь”Аб мерах па прадухіленьні легалізацыі даходаў, атрыманых незаконным шляхам”, выклаўшы яго ў новай рэдакцыі:”Аб мерах па прадухіленьні легалізацыі даходаў , атрыманых незаконным шляхам, і фінансаваньня тэрарыстычнай дзейнасьці”. 30 чэрвеня 2014 года быў прыняты Закон Рэспублікі Беларусь “Аб мерах па прадухіленьні легалізацыі даходаў, атрыманых злачынным шляхам, фінансаваньня тэрарыстычнай дзейнасьці і фінансаваньня распаўсюджваньня зброі масавага паражэньня”. 30 студзеня 2015 года былі ўнесены зьмены і дапаўненьні ва Ўказ Прэзыдэнта Рэспублікі Беларусь ад 14.09.2003 №408 “Аб стварэньні Дэпартамэнта фінансавага маніторынгу Камітэта дзяржаўнага кантролю Рэспублікі Беларусь”.

Задачы

Асноўнымі задачамі Дэпартамента зьяўляюцца:

• прадухіленьне легалізацыі даходаў, атрыманых злачынным шляхам, і фінансаваньня тэрарыстычнае дзейнасьці;
• стварэньне і забеспячэньне функцыянаваньня аўтаматызаванай сыстэмы ўліку, апрацоўкі i аналізу інфармацыі аб фінансавых апэрацыях, якія падлягаюць асабліваму нагляду;
• удзел у міжнародным супрацоўніцтве па пытаньнях прадухіленьня легалізацыі даходаў, атрыманых злачынным шляхам і фінансаваньня тэрарыстычнае дзейнасьці.

Вышэйнапісаныя задачы справуюць рознымі дзеяньнямі Дэпартамэнту:

• вызначае парадак фарміраваньня аўтаматызаванай сыстэмы ўліку, апрацоўкі i аналізу інфармацыі аб фінансавых апэрацыях, якія падлягаюць асабліваму нагляду;
• зьбірае і аналізуе веды аб падазроных фінансавых апэрацыях;
• правярае веды, які паступілі;
• выяўляе прыкметы, якія сьведчаць аб тым, што фінансавыя апэрацыі зьвязаны зь легалізацыяю даходаў, атрыманых злачынным шляхам, або фінансаваньнем тэрарыстычнае дзейнасьці;
• прымае ўдзел у падрыхтоўцы праектаў нарматыўных прававых актаў, у заключэньні і выкананьні міжнародных дагавораў, а ў адпаведных выпадках заключае і выконвае міжнародныя дагаворы міжведамаснага характару па пытаньнях прадухіленьня легалізацыі даходаў, атрыманых злачынным шляхам, і фінансаваньня тэрарыстычнай дзейнасьці;
• вывучае міжнародны вопыт і практыку процідзеяньня легалізацыі даходаў, атрыманых злачынным шляхам, і фінансаваньня тэрарыстычнае дзейнасьці;
• прымае ўдзел у распрацоўцы і выкананьні праграм міжнароднага супрацоўніцтва па пытаньнях прадухіленьня легалізацыі даходаў, атрыманых злачынным шляхам, і фінансаваньня тэрарыстычнае дзейнасьці;
• прымяняе меры адказнасьці да арганізацыяў і фізычных асоб, у тым ліку індывідуальных прадпрымальнікаў, якія парушылі заканадаўства аб прадухiленьнi легалiзацыi даходаў, атрыманых злачынным шляхам, і фінансаваньня тэрарыстычнае дзейнасьці;
• выносіць пастановы аб прыпыненьні расходных фінансавых апэрацый пры наяўнасьці дастатковых падстаў, якія сведчаць аб тым, што фінансавыя апэрацыі зьвязаны зь легалізацыяй даходаў, атрыманых злачынным шляхам, або фiнансаваньнем тэрарыстычнае дзейнасьці, у выпадку, калі гэтыя фінансавыя апэрацыі не прыпынены асобай, якая ажыцьцяўляе фінансавыя апэрацыі;
• прымае па прыпыненай фiнансавай апэрацыi рашэньні аб накіраваньні адпаведнай інфармацыі і матэрыялаў у службу караньня злачынцаў альбо аб аднаўленьнi прыпыненай фiнансавай апэрацыi, пра што ў пісьмовай форме або ў форме электроннага дакумэнта паведамляе асобе, якая прыпынiла дадзеную апэрацыю;
• праводзіць праверкі выкананьня асобамі, якія ажыцьцяўляюць фінансавыя апэрацыі, заканадаўства аб прадухiленьнi легалiзацыi даходаў, атрыманых злачынным шляхам, і фінансаваньня тэрарыстычнае дзейнасьці, у тым ліку праверкі арганізацыі у такіх асоб унутранага кантролю за рэгістрацыяй фінансавых апэрацый, якія падлягаюць асабліваму кантролю;
• выносіць рашэньні (перадпісаньні, пастановы), якія зьяўляюцца абавязковымі для выкананьня ва ўстаноўлены Дэпартамэнтам час усімі дзяржаўнымі органамі, іншымі арганізацыямі (іх работнікамі) і іншымі фізычнымі асобамі, у тым ліку індывідуальнымі прадпрымальнікамі;
• запытвае ў кампетэнтных органаў замежных дзяржаў неабходную інфармацыю ў сфэры прадухіленьня легалізацыі даходаў, атрыманых злачынным шляхам, і фінансаваньня тэрарыстычнае дзейнасьці;
• удзельнічае ў дзейнасці міжнародных арганізацый.

Начальнікі службы

З 2003 году было амаль дзесяць асоб на пасадзе начальніка Дэпартамэнту:

Імя	Гады службы
Анфімаў Леанід Васільевіч	2003 - 2004
Ярашэўскі Валерый Паўлавіч	2004 - 2011
Максіменка Аляксандр Уладзімеравіч	2011 – 2014
Рэўт Вячаслаў Генадзевіч	2014 – ц.ч.

Знакі

Служба фінансавае выведкі Беларусі мае свае асобныя знакі. 23 ліпеня 2012 года Ўказам Прэзыдэнта Рэспублікі Беларусь “Аб устанаўленьні афіцыйных геральдычных сымбалаў Камітэта дзяржаўнага кантролю” Дэпартамэнту былі прысвоены геральдычныя сымбалі:

• эмблема
• сьцяг.