Дзяржпрам

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дзяржпрам
(Дом дзяржаўнай прамысловасьці)
Держпром
Kharkov Freedom Square.jpg
Від на Дзяржпрам з верталёту
Тып жалезабетонны хмарачос
Архітэктурны стыль канструктывізм
Месцазнаходжаньне Украіна, Харкаў
Адрас плошча Свабоды
Замоўца Савет Народных Камісараў Украіны
Пачатак будаўніцтва 1926
Сканчэньне будаўніцтва 1928
Дата адкрыцьця 7 лістапада 1928
Дата рэканструкцыі 19441947
Вышыня 63 м.
Вышыня з антэнай 108 м.
Колькасьць паверхаў 13
Агульная плошча 60 000
Колькасьць ліфтаў 12
Архітэктар Сяргей Серафімаў,
Самуіл Кравец,
Марк Фэльгэр

Дом дзяржа́ўнай прамысловасьці (Дзяржпрам) (па-ўкраінску: Держпром) — першы савецкі 13-павярховы хмарачос, помнік архітэктуры ў стылі канструктывізму, адна з трох харкаўскіх высотак, пабудаваная на працягу 1926—1928 гадоў.

Будынку, які ўвасобіў у сабе будаўнічыя дасягненьні УССР, далі назву «Дом дзяржаўнай прамысловасьці» — гэтым словазлучэньнем быў падкрэсьлены дэвіз індустрыяльнай краіны.

Гісторыя[рэдагаваць | рэдагаваць крыніцу]

Будынак быў пабудаваны ў рэкордна кароткі тэрмін — падрыхтоўчыя працы пачаліся летам 1925 году, а здача ў эксплюатацыю адбылася 7 лістапада 1928 году, да адзінаццатай гадавіны кастрычніцкага перавароту. Вясной 1926 году будоўлю вырашана было закрыць, аднак пасьля асабістага ўмяшальніцтва Фэлікса Дзяржынскага, які наведаў будоўлю 8 траўня 1926 году, будаўніцтва працягнулася. На ўрачыстай закладцы цэнтральнага корпусу, якая адбылася 21 лістапада 1926 году, будынку прысвоілі яго імя.

Пасьля пабудовы, з 1928 па 1934 гады, у будынку разьмяшчаўся Савет Народных Камісараў Украіны.

Падчас нямецкай акупацыі ў 1941—43 гадах на першым паверсе была ўладкаваная стаўня, на іншых паверхах ў пачатку акупацыі жылі малпы, якія ўцяклі з разьмешчанага побач з будынкам заапарку. Да 23 жніўня 1943 году ў Дзяржпраме дажылі тры макакі, якім на 65-ю гадавіну вызваленьня гораду, у жніўні 2008 году, быў адкрыты помнік на тэрыторыі заапарку.

Пасьля вайны ў 1944—1947 гадах будынак быў адноўлены.

У 1955 годзе на даху была ўсталяваная адна зь першых у СССР тэлевізійных вышак вышынёй 45 м.

У 2004 годзе, да 350-годзьдзя Харкава была распачатая рэканструкцыя Дзяржпраму — яна заняла нашмат больш часу, чым увесь пэрыяд будаўніцтва Дзяржпраму прымітыўнымі мэтадамі ў 1920-х гадах, і дагэтуль застаецца не завершанай[1].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Дзяржпрамсховішча мультымэдыйных матэрыялаў