Даўгахво́стая куга́каўка, даўгахвостая няя́сыць (па-лацінску: Strix uralensis) — птушка з атраду совападобных (Strigiformes), сямейства савіных (Strigidae). Від Strix uralensis падзяляецца (залежыць таксама ад існуючых клясыфікацыяў, унівэрсальнай клясыфікацыі пакуль не існуе) на 15 падвідаў, два падвіды, Strix uralensis liturata і Strix uralensis macroura гнязьдзяцца таксама ў Цэнтральнай Эўропе. Занесеная ў Чырвоную кнігу Рэспублікі Беларусь[1].
