Давыд Гарадзенскі (манэта)

Гэта артыкул пра памятную манэту. Калі вам патрэбны артыкул пра Давыда Гарадзенскага, глядзіце артыкул Давыд Гарадзенскі.

Манэта «Давыд Гарадзенскі», 20 рублёў, рэвэрс

Манэта «Давыд Гарадзенскі», 20 рублёў, авэрс

Памятная манэта «Давыд Гарадзенскі» — беларускія юбілейныя манэты Нацыянальнага банку Беларусі ўведзеныя ў абарачэньне 28 сьнежня 2005 году. Манэты выбіты са срэбра — наміналам 20 рублёў і медна-нікеля — 1 рубель.

Манэта ўваходзіць у сэрыю Ўмацаваньне і абарона дзяржавы.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• якасьць: «пруф»
• наклад: 5000 асобнікаў
• кошт продажу ў НББ — 61 760 руб. бяз футляру

Медна-нікелевая

• намінал: 1 рубель
• вага манэты: 15.5 г
• дыямэтар: 33 мм
• якасьць: «пруф-лайк»
• наклад: 5000 асобнікаў
• кошт продажу ў НББ — 9 860 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: пасярэдзіне: рэканструкцыя Наваградзкага замку; згары — выява дзяржаўнага гербу Беларусі, «РЭСПУБЛІКА БЕЛАРУСЬ»; долу зьмешчаны год біцьця, справа для срэбра — проба, надпіс долу — «20 РУБЛЁЎ» на срэбранай і «1 РУБЕЛЬ» — на медна-нікелевай.
• Рэвэрс: выява Давыда Гарадзенскага; зьлева адціск старажытнай пячаткі з выявай на ёй князя Даўмонта Нальшанскага, што кіраваў пад хрысьціянскім імем Цімафэй і як лічыцца быў бацькам Давыда; зьлева па колу надпіс «ДАВЫД ГАРАДЗЕНСКІ» і гады яго кіраваньня «1314-1326».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Вонкавыя спасылкі

• Нацыянальны банк Рэспублікі Беларусі