Голас душы (хор)

Го́лас душы́ — беларускі касьцёльны хор, заснаваны ў 1996 пры Касьцёле сьвятога Сымона й сьвятое Алены (Менск).

Хор бярэ ўдзел у рэкалекцыях, пілігрымках, хрысьціянскіх спатканьнях, фэстывалях духоўнае музыкі, творчых вечарах кампазытараў і паэтаў Беларусі і іншых краінаў. Мастацкім кіраўніком і хараводм зьяўляецца Тацяна Гажэўская, арганісткай — Яна Куліцкая, хормістрам — Марыя Новікава.

Хор традыцыйна штогод удзельнічае ў Марыйных урачыстасьцях:

• 1-2 ліпеня — Маці Божай Будслаўскай (Беларусь);
• 19-20 ліпеня — Маці Божай Бярдычаўскай (Украіна);
• 14-15 жніўня — Маці Божай Аглонскай (Латвія).

Узнагароды

• 1 месца на III міжнародным фэсьце «Łapskie Te Deum» (2000, Лапы, Польшча);
• 1 месца на IX міжнародным конкурсе «Магутны Божа» (2000, Магілёў, Беларусь);
• 1 месца й гран-пры на IV міжнародным фэсьце «Łapskie Te Deum» (2007, Лапы, Польшча).

Дыскаграфія

• Голас душы
• Песьні на вялікі пост
• Do Boga głos wznosimy (2008).