Вікіпэдыя:Вікідапаможнік/Зьмест/6. Заліўка фотак (праект команз)

Каб Ваш артыкул быў больш цікавы, Вы можаце дадаць у яго малюнак, відэа або гук. Уся інфармацыя ніжэй датычыцца ўсіх трох абазначаных тыпаў кантэнту.

Мэдыякантэнт можна дадаваць у кожным моўным разьдзеле Вікіпэдыі, але тады малюнак можна будзе ўжываць толькі ў тым моўным разьдзеле, у якім ён быў створаны.

Каб адзін і той жа файл выкарыстоўваць у розных моўных разьдзелах, трэба дадаць яго ў ВікіСховішча (Wikimedia Commons), разьмешчанае па адрасе commons.wikimedia.org (мова сайта — ангельская).

Як дадаць мэдыякантэнт у ВікіСховішча

• Калі Вы ўжо стварылі акаўнт у Вікіпэдыі, тады залагіньцеся ў Wikimedia Commons.
• Націсьніце кнопку Upload.
• Адкрыецца старонка з заўвагамі, як дзейнічаць, каб не парушыць аўтарскія правы на мэдыякантэнт. Прачытайце. Націсьніце Next.
• Абярыце мэдыяфайл(ы) для запампоўваньня.
• Пазначце аўтарскія правы на файлы.
• Дадайце назву і апісаньне мэдыякантэнту, дадайце катэгорыі.
• Мэдыя запампаванае! Нарэшце Вы можаце скапіяваць код вікі-разьметкі, каб дадаць файл у Ваш артыкул.

• 
  Магчымыя варыянты ліцэнзій для вашага твору ў Wikimedia Commons.
• 
  Магчымыя варыянты ліцэнзій для твору іншага аўтара ў Wikimedia Commons.
• 
  Дэталі апісаньня кантэнту для запампоўваньня.
• 
  Пасьля ўсіх крокаў запампоўкі вашага кантэнту (фота, відэа, гуку) Вы атрымліваеце магчымасьць адразу скапіяваць код для свайго артыкула.
• 
  Назва выявы звычайна разьмяшчаецца ў левым куце. Скапіруйце яе для таго, каб разьмясьціць на старонцы артыкула.

Заліцьцё выяў

Як правільна зрабіць выяву

Найбольш распаўсюджаныя памылкі:

• Дрэнная якасьць выявы (ня бачная, расплываецца аб’ект).
• Абрэзка значных дэталяў аб’екта.
• Адцягваньне ўвагі ад аб’екта прысутнасьцю чалавечых асоб, жывёл ці іншых аб’ектаў.

Увага: выява перад запампоўкай не павінна ўтрымліваць ніякіх вадзяных знакаў. Пажадана запампоўваць выяву бяз штучна напісанага тэкста.

Як правільна даць назву файлу з выявай

• Лепей замест назвы файла Africa.png выкарыстоўваць больш дэталёвыя назвы, напрыклад, Africa political map Jan. 2012.png або такую Africa political map with red borders.png

Якія фарматы файлаў прыдатныя для выяваў

• Найбольш распаўсюжданыя і рэкамэндаваныя фарматы ў Вікіпэдыі: першы паводле папулярнасьці jpeg (самы кампактны) — 84%, png (зручны, калі ў вас празрыстая аснова, фон) — 7%, а трэці — svg (зручны для мапаў і лягатыпаў) — 5%. Але магчымыя й іншыя незапатэнтаваныя фарматы: pdf, tiff, ogg, djvu і іншыя.

Увага! У Вікіпэдыі нельга выкарыстоўваць запатэнтаваныя фарматы кшталту: MP3, AAC, WMA, MPEG і большасьць AVI.
Калі Вы маеце кантэнт у непрымальным фармаце, пераканвэртуйце файл у вольны фармат.

Якія памеры файлаў аптымальныя для выяваў

• Рэкамэндаваны максімальны памер заладкаванага файла на Wikimedia Commons — 100 мэгабайтаў (выключныя выпадкі 1 гігабайт), але, напрыклад, малюнак лепей за ўсё рабіць да мэгабайту з памерамі, прыдатнымі для прагляду аб’екта і значных дэталяў на ім.

Парады па апісаньні выявы

• Абавязковыя палі:

  • Апісаньне (Description): Кароткае апісаньне зместу вашага фота (падзея, дата, дзейныя асобы). Можна спаслацца на артыкул, куды будзеце дадаваць сваё фота/гук/відэа. Апісаньне на ангельскай мове вельмі пажадана.
  • Месца, дзе ўзялі (Source): Імя стваральніка або дакладны URL, дзе фота было ўзята (пажадана шлях менавіта да малюнка). Калі фота ўзята з кнігі (часопіса), пажадана пазначыць аўтара кнігі, ISBN, назву і дату выданьня.
  • Аўтар (Author): Пазначаць у любым выпадку.
  • Дазвол (Permission): Які закон або дакумэнт дазваляе выкарыстаньне матэрыялу.
  • Дата (Date): Поўная дата лепей, чым проста год.

Як дадаць чужы малюнак

• Неабходна атрымаць дазвол. Рэкамэндуецца выкарыстоўваць пісьмовую форму дазволу, якую даслаць на адрас: permissions-commons@wikimedia.org Пажадана з адрасу аўтара, або ўлучыце яго ў копію ліста.

  Кароткая спасылка на прыклад: Вікіпэдыя:Запыт дазволаў на выкарыстаньне

• Калі будзеце працаваць не з уласнымі выявамі, варта:

  • Распавесьці аўтару, што такое Вікіпэдыя.
  • Пазначыць малюнак, які Вы жадаеце разьмясьціць (са спасылкай).
  • Пазначыць, дзе Вы хочаце разьмясьціць малюнак (са спасылкай).
  • Запытаць дазвол на разьмяшчэньне выявы пад умовамі грамадзкага набытку або вольнай ліцэнзіі, напрыклад, Creative Commons Attribution Share-Alike 4.0 International
  • На старонцы выявы пазначыць імя аўтара, а таксама спасылку, адкуль узята фота.
  • Аддзячыць уладальніка выявы

Прыклады:

• тэкста дазволу
• Тыповы прыклад ліста запыту на ангельскай мове.

 НЕ ЗЬМЯШЧАЙЦЕ Ў ВІКІПЭДЫЮ ВЫЯВЫ, АЎТАРСТВА І ЎМОВЫ РАСПАЎСЮДЖАНЬНЯ ЯКІХ ВЫ НЯ ВЕДАЕЦЕ!

Устаўка малюнкаў

Код генэруецца пасьля заліўкі выявы:

[[Файл:Белы наліў.jpg|значак|Так выглядаюць звычайныя беларускія яблыкі.]]

і дадаецца самастойна ў патрэбнае месца артыкула.

Таксама можна дадаць выяву праз панэль рэдагаваньня артыкула, якая месьціцца над асноўным полем уводу інфармацыі.

Назва файла бярэцца з загалоўку на старонцы прагляда файла.

Пасьля Файл:Белы наліў.jpg можна сьмела дадаваць праз рэдактар.

Пачытаць болей пра даданьне малюнка.

Устаўка галерэі

Дзеля дадаваньня галерэі неабходна выкарыстаць адмысловы тэг

<gallery>

, а таксама назвы файлаў выяваў зь Wikimedia Commons.

• 
  Подпіс 1
• 
  Подпіс 2

Прыклад:

<gallery>
Файл:Wiki.png|Подпіс 1
Файл:Wiki.png|Подпіс 2
</gallery>

Гэты тэг магчыма ўводзіць самому або праз графічны рэжым (абіраць у мэню рэдагаваньня).

Як дадаць галерэю празь візуальны рэдактар.

Чытаць болей пра галерэі.

Пошук фота, відэа, аўдыё для Вашага артыкула

 Перш за ўсё рабіце свае малюнкі.

1. Шукайце малюнкі, якія знаходзяцца ў грамадзкім набытку (public domain) або выкарыстоўваюць вольныя ліцэнзіі (напрыклад, Creative Commons Attribution Share-Alike 4.0) у Сеціве.
2. Шукайце малюнкі на дзяржаўных і ўрадавых сайтах.
3. Шукайце малюнкі ў Вікіпэдыі ў адпаведных артыкулах на іншых мовах або заходзьце на Wikimedia Commons і корпайцеся там.
4. Матывуйце іншых Вікі-рэдактараў дапамагчы Вам.

Калі не знайшлі малюнак, але вельмі хочацца, пастаўце заглушку. Гэта будзе сыгналам для іншых вікіжыхароў дапамагчы пашукаць, або распачніце на старонцы абмеркаваньня тэму пошуку малюнка.