Вікіпэдыя:Беларуская раскладка

Усталяваньне беларускай раскладкі клявіятуры.

Windows

Калі вы маеце ангельска- ці расейскамоўную вэрсію апэрацыйнай сыстэмы Windows, дык дзеля ўсталяваньня беларускай раскладкі клявіятуры неабходна (у залежнасьці ад вэрсіі АС і сэрвіс-паку назвы пунктаў мэню могуць крыху адрозьнівацца):

1. Адкрыць мэню «Start» (Пуск);
2. Націснуць «Run» (Выполнить);
3. У полі ўвесьці тэкст control panel і націснуць ↵ Enter;
4. Адкрыць у панэлі «Regional and Language Options» («Язык и региональные стандарты») альбо «Date, Time, Regional and Language Options» («Дата, время, язык и региональные стандарты»);
5. Адкрыць укладку «Languages» («Языки») альбо абраць «Add more languages» («Добавить дополнительные языки»);
6. Націснуць у гэтай укладцы «More» («Подробнее»). Ва ўкладцы, якая зьявілася на экране, націснуць Add («Добавить»). У сьпісе моваў выбраць беларускую. У сьпісе раскладак выбраць таксама беларускую і націснуць ОК.

Цяпер у сьпісе раскладак у моўнай панэлі бачыцьмеце беларускую мову.

Такім чынам, раскладка літараў выглядацьме так:

Літара Ё, як і ўсюды, на кнопцы з тыльдай ~.

Unix

Увага! У гэтай даведцы не разглядаюцца пытаньні, зьвязаныя з усталяваньнем сыстэмнай лякалі (locale). Пры наяўнасьці праблемаў зьвярніцеся па дапамогу да сыстэмнага адміністратара ці да інтэрнэт-суполкі карыстальнікаў вашай АС.

Калі вы абралі беларускую мову пры ўсталяваньні апэрацыйнай сыстэмы, вы ўжо маеце неабходную раскладку ў сыстэме. У іншым разе можаце скарыстацца наступнымі мэтадамі.

GNOME

1. Націсьніце камбінацыю Alt+F2, у полі напішыце gnome-keyboard-properties і націсьніце ↵ Enter;
2. На ўкладцы «Layouts» («Раскладкі») націсьніце кнопку Add («Дадаць»);
3. У сьпісе «Country» выберыце Belarus (Беларусь), у сьпісе «Variants» — Belarus ці Belarus Legacy (адрозьніваюцца складам сымбаляў у камбінацыях Shift+лічба);
4. Націсьніце клявішу Add;
5. Неабавязкова. Націснуўшы «Options», вы можаце абраць камбінацыю клявішаў для зьмены раскладкі (пункт «Key(s) to change layout»). Для закрыцьця вокнаў націскайце «Close».

Цяпер у вашай сыстэме зьявілася беларуская раскладка. Літары лякалізаваныя ў стандартным парадку (гл. вышэй).

KDE

1. Націсьніце камбінацыю клявішаў Alt+F2, у полі напішыце systemsettings і націсьніце ↵ Enter;
2. Націсьніце «Input devices» («Прылады ўводу зьвестак»);
3. Выберыце ў катэгорыі «Keyboard» («Клавіятура») укладку «Layouts» («Раскладкі»);
4. Пастаўце птушку насупраць пункту «Configure layouts» («Наладзіць раскладкі»);
5. Націсьніце кнопку Add («Дадаць»);
6. У вакне, што зьявілася, выберыце:

• • Limit selection by language: Belarusian (мяжа ўжываньня мовы: Беларусь);
  • Layout: Belarusian (раскладка: Беларуская);

1. 7. Націсьніце кнопку OK;
2. 8. Націсьніце кнопку Apply («Ужыць»).

Цяпер у вашай сыстэме зьявілася беларуская раскладка. Літары лякалізаваныя ў стандартным парадку (гл. вышэй).