Вясна народаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вясна народаў
Барыкады на вуліцах Парыжу на карціне працы Араса Вэрнэ
Барыкады на вуліцах Парыжу на карціне працы Араса Вэрнэ
Дата23 лютага 1848 году — кастрычнік 1849 году
МесцаЭўропа
Мэты
  • лібэралізація і дэмакратызацыя
Вынік
  • палітычныя зьмены ў шэрагу дзяржавах
  • значныя сацыяльныя і культурныя зьмены

Вясна́ наро́даў ці рэвалю́цыі 1848—1849 гадоў — сэрыя палітычных узрушэньняў па ўсёй Эўропе ў 1848 годзе. Гэта па-ранейшаму ёсьць самай масавай рэвалюцыйнай хваляй у эўрапейскай гісторыі.

Рэвалюцыі насілі па сутнасьці дэмакратычны і лібэральны характар, з мэтай ліквідацыі старых манархічных структураў і стварэньня незалежных нацыянальных дзяржаваў. Рэвалюцыі распаўсюдзіліся па Эўропе пасьля таго, як у лютым пачалася рэвалюцыя ў Францыі. Пацярпелі больш за 50 краінаў, але без істотнай каардынацыі або супрацоўніцтва паміж рэвалюцыйнымі групамі розных дзяржаваў. Аднымі з асноўных фактараў, якія спрыялі рэвалюцыйным рухам, былі шырока распаўсюджаная незадаволенасьць палітычным кіраўніцтвам, патрабаваньні асобных групаў дзяржаваў у большым удзеле ва ўрадавых справах і дэмакратыі, патрабаваньні свабоды прэсы, іншыя патрабаваньні рабочай клясы аб эканамічных правах, уздым нацыяналізму, перагрупоўка сілаў ў існуючых урадах[1], а таксама эўрапейскі бульбяны крызіс, які выклікаў масавы голад, міграцыю і хваляваньні[2].

Ачолілі паўстаньні часовыя кааліцыі рэфарматараў, сярэдняй клясы (буржуазіі) і рабочых[3], аднак кааліцыі пратрымаліся нядоўга. Многія рэвалюцыі былі хутка здушаныя, бо дзясяткі тысяч людзей былі забітыя, а значна больш выгнаныя. Значныя працяглыя рэформы ўключалі адмену прыгоннага права ў Аўстрыі і Вугоршчыне, канец абсалютнай манархіі ў Даніі і ўвядзеньне прадстаўнічай дэмакратыі ў Нідэрляндах. Найбольшае значэньне рэвалюцыі мелі ў Францыі, Нідэрляндах, Італіі, Аўстрыйскай імпэрыі і дзяржавах Нямецкай канфэдэрацыі, якія ўвайшлі ў склад Нямецкае імпэрыі ў канцы XIX і пачатку XX стагодзьдзяў.

Крыніцы[рэдагаваць | рэдагаваць крыніцу]

  1. ^ R.J.W. Evans and Hartmut Pogge von Strandmann, eds., The Revolutions in Europe 1848—1849 (2000). — С. v, 4
  2. ^ Ó Gráda, Cormac; Vanhaute, Eric; Paping, Richard (August 2006). «The European subsistence crisis of 1845—1850: a comparative perspective». XIV International Economic History Congress of the International Economic History Association, Session 123. Helsinki.
  3. ^ Edward Shorter, «Middle-class anxiety in the German revolution of 1848». Journal of Social History (1969): 189—215.

Вонкавыя спасылкі[рэдагаваць | рэдагаваць крыніцу]