Выбарчы ўчастак

Выбарчы ўчастак^[a], або Участак для галасаваньня^[1] — часовае месца, для правядзеньня галасаваньня пад час рэфэрэндума, выбараў Прэзыдэнта, выбараў дэпутатаў Палаты прадстаўнікоў і мясцовых Саветаў дэпутатаў у Беларусі. Яны ствараюцца перад галасаваньнем і распускаюцца пасьля правядзеньня галасаваньня. Правядзеньне галасаваньня зьдзяйсьняе ўчастковая камісія.

Стварэньне

Выбарчыя ўчасткі ствараюцца мясцовымі выканкамамі, а ў гарадзкіх раёнах — мясцовымі адміністрацыямі. Іх стварэньне ўзгадняецца з мясцоваю выбарчаю службаю — тэрытарыяльная камісія.

Выбарчы ўчастак павінен мець ад 20 да 3 000 выбаршчыкаў^[2].

Месца для выбарчага ўчастку выбіраецца выканкамамі ў школах, ВНУ, санаторыях, бальніцах і іншых дзяржаўных установах^[3].

Роспуск

Пасьля правядзеньня галасаваньня выбарчыя ўчасткі замыкаюцца і праводзіцца лічэньне галасоў. Пасьля падвядзеньня вынікаў галасаваньня выбарчы ўчастак прыпыняе сваю дзейнасьць.

Глядзі таксама

Участковая камісія

Крыніцы

^ Выбарчы кодэкс, арт. 17, 18
^ Выбарчы кодэкс, арт. 17, ч. 2
^ Выбарчы кодэкс, арт. 17, ч. 3

Заўвагі

^ Заканадаўства па стане на 2 верасьня 2019 г.

[2] Выбарчы кодэкс, арт. 17, 18

[3] Выбарчы кодэкс, арт. 17, ч. 2

[4] Выбарчы кодэкс, арт. 17, ч. 3

[1] Заканадаўства па стане на 2 верасьня 2019 г.

[a]

[1]

[2]

[3]