Веды

Зьвесткі зь Вікіпэдыі — вольнай энцыкляпэдыі
Увасабленьне ведаў

Ве́ды — знаёмства з чымсьці, што можа ўключаць у сябе інфармацыю, факты, апісаньне ці навыкі, атрыманыя на аснове вопыту ці адукацыі, а таксама мае рэчаісную інтэрпрэтацыю й адлюстроўвае ісьціну. Яны могуць ставіцца да тэарэтычнага альбо практычнага разуменьня прадмета. Веды могуць быць няяўнымі, як практычныя навыкі альбо вопыт, ці відавочнымі, як тэарэтычнае разуменьне прадмета. Яны, таксама, могуць быць больш ці менш фармальнымі ці сыстэматызаванымі[1]. Веды адносяцца да катэгорыі веры, але ў адрозненьні ад чыстай веры, маюць практычнае абгрунтаваньне. У філязофіі, вывучэньне ведамі займаецца эпістэмалёгія, а старажытнагрэцкі філёзаф Плятон вызначанаў веды, як «пацьвержаная праўдзівая вера». Аднак, не існуе адзінага ўзгодненага вызначэньня панятка ведаў, а толькі шматлікія тэорыі, якія тлумачаць гэта.

Набыцьцё ведаў мае на ўвазе складаныя кагнітыўныя працэсы: успрыманьне, навучаньне, зносіны, аб’яднаньні й развагі, у той жа час веды таксама зьвязаны з пацьверджаньнем чалавечага існаваньня[2].

Кіраваньне ведамі[рэдагаваць | рэдагаваць крыніцу]

Кіраваньне ведамі (анг. Knowledge Management) прадугледжвае разуменьне спосабаў, якім веды выкарыстоўваюцца і распаўсюджваюцца ў арганізацыях і разглядае веды як тое, што суадносіцца з самім сабой і магчыма для паўторнага выкарыстаньня. Паўторнае выкарыстаньне азначае, што вызначэньне ведаў знаходзіцца ў стане сталай зьмены. Кіраваньне ведамі трактуе веданьне як форму інфармацыі, якая напоўнена кантэкстам, заснаваным на досьведзе. Інфармацыя ёсьць зьвесткамі, якія зьяўляюцца ўмоваю назіральніка за іхнай значнасьцю. Зьвесткі могуць быць прадметам назіраньня, але не абавязкова павінны быць ім. У гэтым сэнсе веданьне складаецца з інфармацыі, падмацаванай намерам або напрамкам. Гэты падыход знаходзіцца ў згодзе з DIKW мадэльлю, паводле якой зьвесткі, інфармацыя, веды і мудрасьць разьмешчаны ў выглядзе піраміды па ступені карыснасьці.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ «Knowledge»(недаступная спасылка). Oxford Dictionaries
  2. ^ Stanley Cavell, «Knowing and Acknowledging, Must We Mean What We Say?» (Cambridge University Press, 2002), 238—266.

Вонкавыя спасылкі[рэдагаваць | рэдагаваць крыніцу]

  • Веды ны PhilPapers
  • Веды на інтэрнэт-энцыкляпэдыі філязофіі