Вацлаў Чтвэртэк

Вацлаў Цафоўрэк
Václav Cafourek
Асабістыя зьвесткі
Псэўданімы	Вацлаў Чтвэртэк (чэск. Václav Čtvrtek)
Нарадзіўся	4 красавіка 1911 Прага, Сьцяг Аўстра-Вугоршчыны Аўстра-Вугоршчына
Памёр	6 лістапада 1976 Прага, Чэхаславаччына
Пахаваны	Вокавіцкія могілкі[d]
Літаратурная дзейнасьць
Род дзейнасьці	паэт, пісьменьнік, пісьменьнік навуковай фантастыкі, рэдактар, драматург
Гады творчасьці	з 1940
Мова	француская мова і чэская мова
Узнагароды	ганаровы грамадзянін Ічына[d]
Вацлаў Цафоўрэк у Вікісховішчы

Вацлаў Цафоўрэк, больш вядомы пад псэўданімам Вацлаў Чтвэртэк, які ў 1959 року афіцыйна зрабіў сваім імем (4 красавіка 1911, Прага, Аўстра-Вугоршчына — 6 лістапада 1976, Прага, Чэхаславаччына) — дзіцячы і моладзевы пісьменьнік, аўтар апавяданьняў, раманаў і п’есаў пра сучасных дзяцей і калыханак. Кавалер Ордэну Ўсьмешкі.

Жыцьцяпіс

За часам Першай сусьветнай вайны сям’я зьехала з Прагі да ягонага дзеда ў Ічын. Пазьней Вацлаў Цафурэк скончыў гімназію ў Празе, скончыў курс у акадэміі бізнэсу і па жаданьні бацькі пачаў вывучаць права, аднак пасьля трох сэмэстраў кінуў. Пасьля стаў фінансавым дырэктарам у Хебе, а ў часе Другой сусьветнай вайны працаваў фінансавым дырэктарам у Празе.

Пасьля сканчэньня вайны пачаў супрацоўнічаць зь дзіцячымі часопісамі «Brouček», «Sedmihlásek», «Vlaštovička», пазьней з «Mateřídouška», «Ohníček», «Pionýr», «Pionýrské noviny» і з чэскім радыё, дзе стаў кіраўніком вяшчаньня для дзяцей і моладзі. З 1960 року цалкам прысьвяціў сябе літаратурнай дзейнасьці. У 1975 року стаў ганаровым грамадзянінам Ічына, які часта ўзгадваў у сваіх творах.

Найбольшую вядомасьць атрымалі ягоныя казкі і апавяданьні, якія былі адаптаваныя для тэлебачаньня (па-чэску: Вечарнічак). У супрацы з Чэхаславацкім тэлебачаньнем зьявіліся мультсэрыялы, напрыклад «Pohádky z mechu a kapradí», «Maková panenka», «Rumcajs», «Víla Amálka» і іншыя.

Вонкавыя спасылкі

• Біяграфія^(чэс.)
• Вацлаў Чтвэртэк — он-лайн відэа казак у архіве Чэскага тэлебачаньня