Вар’ят на волі

Вар’ят на волі
па-ангельску: Crazy on the Outside
Жанр	кінакамэдыя і крымінальны фільм[d]
Рэжысэр	Тым Ален[d]
Прадусар	Richard Baker[d] Brian Reilly[d]
У ролях	Сыгурні Ўівэр Рэй Ліёта[d] Келсі Грэмэр[d] Карлі Ўорэн[d] Джулі Боўэн[d] Тым Ален[d] Джын Трыплгорн[d] Джэй Кэй Сыманз[d] Кентан Д’юці[d] Джон Грыз[d]
Кампазытар	Дэйвід Ньюман[d]
Мантаж	Scott Conrad[d]
Вытворчасьць	Тым Ален[d]
Распаўсюд	Freestyle Releasing[d] і Netflix
Дата выхаду	2010
Працягласьць	96 хвіліна
Краіна	ЗША
Мова	ангельская мова
Старонка на IMDb
Афіцыйны сайт

Вар’я́т на во́лі (па-ангельску: Crazy on the Outside) — кінакамэдыя ЗША 2010 року, дэбютная праца рэжысэра Тыма Алена. У галоўных ролях, акрамя самога рэжысэра, выступілі Джулі Боўэн, Рэй Ліёта, Джын Трыплгорн ды Сыгурні Ўівэр.

Сюжэт

Томас Зэльда (Тым Ален) датэрмінова вызвалены з турмы, дзе адбываў тэрмін за кінапірацтва. Ён вяртаецца жыць у сям’ю эксцэнтрычнай сястры Вікі (Сыгурні Ўівэр). Высьвятляецца, што яна, не жадаючы надта турбаваць бабулю, прыдумала, што ўвесь гэты час Томас быў у Францыі; Томасу даводзіцца падтрымліваць гэтую легенду.

Былы Томасаў партнэр па пірацкім бізнэсе Грэй (Рэй Ліёта) хоча працягваць супольную справу; аднак Томас разважае пра аднаўленьне сямейнай справы па фарбаваньні памяшканьняў. Між тым ён абавязаны зьявіцца ў аддзел па наглядзе датэрмінова вызваленых, супрацоўніца якога Анжэла Пападопулюс (Джын Трыплгорн) накіроўвае яго адбываць грамадзка-карысныя працы ў рэстаран «Пірацкі бургер».

Падчас працы Томі заўважае сваю былую каханку Крысьці (Джулі Боўэн), якую лічыў загінулай, бо так яму ў турму напісала сястра. Тады, узяўшы без дазволу працоўную машыну дастаўкі, Томі едзе да Крысьці дадому, дзе яны разам бавяцца цэлую ноч. Зранку высьвятляецца, што Крысьці ўжо заручаная, і Томі вымушаны ўцякаць перад прыходам ейнага каханка Фрэнка (Келсі Грэмэр).

За згон аўтамабілю Томаса звальняюць зь «Пірацкага бургера», але Анжэла Пападопулюс, каб не вяртаць яго ў турму, умаўляе рэстаран даць яму другі шанец. Атрымаўшы замову дастаўкі, Томі прыяжджае на адрас, дзе жыве Анжэла. Гэта ейны сын Ітан такім чынам спрабуе зьвесьці іх разам. У кватэры Пападопулюсаў Томас заўважае, што сьцены патрабуюць фарбаваньне, і вырашае давесьці Анжэле, што ён здатны да гэтай справы. У дапамогу сабе ён бярэ двух сваіх калегаў, якія таксама аказаліся былымі вязьнямі, і пракрадаецца ў кватэру Анжэлы, пакуль тая працуе, і разам яны перафарбоўваюць пакоі.

Анжэла Пападопулюс, даведаўшыся пра ўзлом сваёй кватэры, вядома, разьюшаная на Томаса; аднак, разумеючы, што ён намагаўся яе ўразіць, вырашае не вяртаць яго ў турму. Больш за тое, яна прапануе яму пафарбаваць кватэру ягонага судзьдзі. Жонцы судзьдзі спадабаўся вынік працы, таму яна запрашае памаляваць яшчэ і другі паверх. А Анжэла запрашае яго на бэйсбольны матч сынавай каманды

Наступнага разу ў доме судзьдзі Томасавы калегі скралі дыямэнтавы пярсьцёнак, каб зрабіць што-небудзь у падзяку Томасу. Томас пра гэта ня ведае, але яны падкідаюць пярсьцёнак ягонай былой каханцы Крысьці як «падарунак ад Томі». Калі Томас прыходзіць на спатканьне з Анжэлай, тая разьюшаная весткай ад судзьдзі пра крадзеж і патрабуе вяртаньня пярсьцёнка. Зразумеўшы, хто мог гэта зрабіць, Томас вяртаецца на працу, аднак ягоныя калегі зьніклі. Ён ізноў крадзе аўтамабіль дастаўкі і едзе да Крысьці, каб забраць пярсьцёнак. Там ён нарэшце рве повязь з Крысьці і вяртае пярсьцёнак Анжэле.

Кіраўнік «Пірацкага бургера» паведамляе пра згон аўтамабіля, і Томі зноў трапляе за краты. Адтуль яго выкупляе пад заклад Грэй, і тады Томі пагаджаецца вярнуцца да былога калегі.

Тым часам Ітан прыяжджае паразмаўляць з Томі ў іхні сямейны дом. Вікі спрабуе яго адшукаць і высьвятляе, што ён едзе з Грэем у аэрапорт. Каб яго адмовіць, яна хлусіць, што Ітан зьнік, і тады Томі кідае Грэя ды едзе на пошукі. Аднак калі ён прыяжджае ў кватэру Анжэлы, то разумее, што Вікі чарговы раз падманула. Тым ня менш, ягоны клопат пра Ітана зьмякчае Анжэлава сэрца.

З дазволу Вікі Томі запрашае Анжэлу на вячэру дадому. Тут раскрываецца ўвесь падман Вікі пра Францыю, тамтэйшую астранаўтку-каханку Томі і пра тое, што Анжэла нібыта ягоная псыхатэрапэўтка.

Ролі

Актор	Роля
Тым Ален	Томі Зэльда датэрмінова вызвалены Томі Зэльда
Сыгурні Ўівэр	Вікі Зэльда сястра Томі Вікі Зэльда
Джын Трыплгорн	Анжэла Пападопулюс інспэктарка па наглядзе за датэрмінова вызваленымі Анжэла Пападопулюс
Джонатан Кімбал Сыманз	Эд муж Вікі Эд
Джулі Боўэн	Крысьці былая каханка Томі Крысьці
Келсі Грэмэр	Фрэнк Фрэнк
Рэй Ліёта	Грэй саўдзельнік Томі Грэй
Гелен Слэйтан Г’юз	бабуля Зэльда бабуля Зэльда
Карлі Ўорэн	Алекс Любоджа Алекс Любоджа
Малькальм Гудўін	Рык Рык
Кентан Д’юці	Ітан Пападопулюс Ітан Пападопулюс
Міган Голаўэй	Тына Тына
Джон Грыз	Эдгар Эдгар
Дэніел Бука	Купэр Любоджа Купэр Любоджа
Браян Лін Грэм	вязень
Эвэлін Ёкаляна	Дэніс Дэніс
Джэф Кюпэрз	Стыў Стыў
Джон Гэйдэн	Пірс судзьдзя Пірс
Джын Ст. Джэймз	Пірс місіс Пірс

Выраб

Тым Ален самастойна аплачваў вытворчасьць фільму. Да ўдзелу ён запрасіў сваіх калег-акторак і актораў: Сыгурні Ўівэр, Рэя Ліёту, Келсі Грэмэра ды Джулі Боўэн.

Вонкавыя спасылкі

• Вар’ят на волі (анг.) на сайце IMDb