Вайкікі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Пляж Вайкікі на захадзе сонца

Вайкікі (па-гавайску: Waikiki) — пляжны раён і асноўны турыстычны асяродак гораду Ганалулу. Раён найбольш вядомы белым пяшчаным пляжам і раскошнымі гатэлямі, якія вабяць штогод мільёны турыстаў.

На гавайскай мове Вайкікі значыць «струмені чыстае вады». Раней мясцовасьць была балотам і належала каралеўскай сям’і, якая выкарыстоўвала яе пераважна для сэрфінгу. Пабудова каналу Ала Вай у 1928 годзе дазволіла асушыць глебу, стварыць пляж і пабудаваць гатэлі.